2017-03-27 11:33:03, 881 ნახვა
რეგიონი
ე.წ. საზღვრის უკანონო გადაკვეთის ბრალდებით, სოფელ ფლავისმანის მკვიდრი დააკავეს
ე.წ მესაზღვრეებმა გორის მუნიციპალიტეტის სოფელ ფლავისმანის მკვიდრი კახაბერ ქისიშვილი გაიტაცეს.
არსებული ინფორმაციით, აღნიშნული პირი ბოლო პერიოდის განმავლობაში უკვე მესამედ დააკავეს.
1974 წელს დაბადებული ქისიშვილი ე.წ. საზღვრის უკანონო კვეთის ბრალდებით, ცხინვალის იზოლატორშია გადაყვანილი და, სავარაუდოდ, ჯარიმის გადახდის შემდეგ გაათავისუფლებენ.
კახაბერ ქისიშვილს ჯანმრთელობასთან დაკავშირებული პრობლემები აქვს. ის დედასთან ერთად ცხოვრობს. ოჯახი უკიდურესად გაჭირვებულია და ჯარიმის გადახდის საშუალება არ აქვს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
