შსს-ს იმერეთის, რაჭა-ლეჩხუმისა და ქვემო სვანეთის სამხარეო მთავარი სამმართველოს ლენტეხის რაიონული სამმართველოს თანამშრომლებმა, განათლებისა და მეცნიერების სამინისტროს საგანმანათლებლო დაწესებულების მანდატურის სამსახურის მიერ განხორციელებული პროგრამის „პროფესიული ორიენტაცია და კარიერის დაგეგმვა“ ფარგლებში, ლენტეხის 1-ლი საჯარო სკოლის მოსწავლეებს სამმართველოს შენობაში უმასპინძლეს და პოლიციის მუშაობის სპეციფიკა გააცნეს.

შსს-ს ინფორმაციით, ლენტეხის რაიონული სამმართველოს უბნის ინსპექტორ-გამომძიებლებმა მოსწავლეებს სამინისტროში განხორციელებული და დაგეგმილი პროექტების შესახებ მიაწოდეს ინფორმაცია და მათ მიერ დასმულ ყველა შეკითხვას ამომწურავი პასუხი გასცეს.

შსს-ს თანამშრომლებთან მოსწავლეების შეხვედრა იმერეთის, რაჭა-ლეჩხუმისა და ქვემო სვანეთის სამხარეო მთავარი სამმართველოს მხარდაჭერით გაიმართა.

განათლებისა და მეცნიერების სამინისტროს საგანმანათლებლო დაწესებულების მანდატურის სამსახურის პროგრამის - „პროფესიული ორიენტაცია და კარიერის დაგეგმვა“ - მიზანია მე-9-12 კლასების მოსწავლეებს პროფესიის შერჩევაში დაეხმაროს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა