ვახტანგ ხმალაძე საკონსტიტუციო კომისიას სასამართლო ხელისუფლების ფორმირებასთან დაკავშირებით რამდენიმე წინადადებას შესთავაზებს, ამის შესახებ მან ჟურნალისტებთან საუბრისას აღნიშნა.

მისი თქმით, ეს ეხება უფლებას, რომ საკონსტიტუციო სასამართლოს შეეძლოს განიხილოს საერთო სასამართლოების საბოლოო გადაწყვეტილების კონსტიტუციურობის საკითხი, თუ იქ საქმე ეხება არაკონსტიტუციური ნორმის გამოყენებას, ან კონსტიტუციის შეუსაბამო, არასწორ ინტერპრეტირებას კანონის ნორმისა.

​"იქ დადგება საკონსტიტუციო სასამართლოს მოსამართლეთა რაოდენობის გაზრდის საკითხი. მე ვფიქრობ, რომ დავსვა საკითხი მოსამართლეთა კარიერული წინსვლისა, რაც გულისხმობს იმას, რომ სააპელაციო სასამართლოს წევრად შეიძლება დაინიშნოს მხოლოდ ის პირი, რომელიც პირველი ინსტანციის სასამართლოში მოსამართლედ მუშაობდა სულ ცოტა სამი ან ოთხი წლის განმავლობაში. მე ვფიქრობ, ასევე უნდა დადგეს უზენაესი სასამართლოს წევრების არჩევის საკითხიც. რამდენად იქნება გაზიარებული, ნამდვილად ვერ გეტყვით, მაგრამ მოსამართლეთა თანამდებობაზე გამწესების წესებზე და კრიტერიუმებზე იქნება მსჯელობა“, - განაცხადა ვახტანგ ხმალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს