ამერიკის შტატ კალიფორნიაში, თვითმფრინავი საცხოვრებელ სახლებს დაეცა, რის შედეგადაც 4 ადამიანი დაიღუპა, - ამის შესახებ BBC იუწყება. 

მედია საშუალების ინფორმაციით, უბედური შემთხვევა ქალაქ რივერსაიდში მოხდა. თვითმფრინავის დაცემას ძლიერი ხანძარი მოჰყვა. 

როგორც BBC-ი სახანძრო დეპარტამენტის ხელმძღვანელზე მაიკლ მურზე დაყრდნობით წერს, თვითმფრინავის ბორტზე ცოლ-ქმარი და 3 მოზარდი იმყოფებოდა. ისინი სან-ხოსეში DisneyLand-დან ბრუნდებოდნენ. 

მისივე ინფორმაციით, გოგონამ, რომელიც თვითმფრინავის დაცემისას გადმოვარდა, მსუბუქი დაზიანება მიიღო. კიდევ ერთი დაზარალებული, რომელიც სახლში იმყოფებოდა, უგონო მდგომარეობაში საავადმყოფოში გადაიყვანეს. ავიაკატასტროფის ადგილას სულ 4 ადამიანის ცხედარია ნაპოვნი, თუმცა მათი ჯერჯერობიტ უცნობია, არიან თუ არა ისინი თვითმფრინავის მგზავრები. სახანძროს ხელმძღვანელის თქმით, შესაძლოა გარდაცვლილთა რაოდენობა გაიზარდოს. 

ინციდენტის შედეგად, 2 სახლი დაინგრა, 1 კი დაზიანდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს