სოციალურად დაუცველი ოჯახების შეფასების  ახალი სისტემა დღეიდან ამოქმედდება, რომელიც ქულების დათვლის პრინციპს გულისხმობს.

როგორც შრომის,  ჯანმრთელობისა და სოციალური დაცვის მინისტრის მოადგილემ, ზაზა სოფრომაძემ განაცხადა, ეს არის სიღარიბის წინააღმდეგ მიმართული ღონისძიება.

„უნდა შემცირდეს იმ ოჯახების რაოდენობა, რომლებიც უკიდურეს სიღატაკეში იმყოფებიან. ბუნებრივია,  მთელი ეს პროცესი რადგანაც ეხება რამდენიმე ასეულობით ათას მოქალაქეს  ერთდროულად ვერ განხორციელდება, სისტემა ორიენტირებული იქნება ბავშვებზე. ყველა ოჯახი, რომელიც  ღებულობს სოციალურ დახმარებას მიიღებს დამატებით ბენეფიტს 10 ლარის ოდენობით, თითოეულ ბავშვზე“,-განაცხადა სოფრომაძემ.  

შეგახსენებთ, რომ სატესტო პროგრამის მიხედვით შეფასების დროს მნიშვნელობა მხოლოდ  იმ ქონებას მიენიჭება,  რომელსაც ოჯახისთვის გარკვეული შემოსავალი მოაქვს.

სოციალურ აგენტს კი სოციალური დახმარების  დამოუკიდებლად  მოხსნის უფლება აღარ ექნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა