პარლამენტის დამოუკიდებელი დეპუტატის სალომე ზურაბიშვილის განცხადებით, საკონსტიტუციო კომისიის სხდომაზე გამოითქვა მოსაზრება ნაფიც მსაჯულთა ინსტიტუტის კონსტიტუციიდან ამოღების თაობაზე,  თუმცა ეს არ ნიშნავს იმას, რომ აღნიშნული ინსტიტუტი უნდა გაუქმდეს.

მისივე თქმით, ბევრ ქვეყანაში,  ნაფიც მსაჯულთა ინსტიტუტი   პროგრესულ ინსტიტუტად აღარ ითვლება.

„ჩვენთან ეს სისტემა რამდენიმე წელია ინერგება და ძვირადღირებული ფუფუნებაა. რამდენად აუცილებელია მისი გაზრდა, როდესაც სხვა ქვეყნებში აღარ არის მიჩნეული თანამედროვე სასამართლოს ყველაზე მაღალ ფორმად, ამაზე იყო საუბარი. არაფერია გადაწყვეტილი. ეს ინსტიტუტი საქართველოში შემოიღეს პოლიტიკური კუთხით. არ ვარ დარწმუნებული, რომ ამ ტიპის სასამართლო იყოს დღეს უფრო დამოუკიდებელი და ნდობით აღჭურვილი, ვიდრე პროფესიონალი მოსამართლეები“, - აღნიშნა სალომე ზურაბიშვილმა. ზურაბიშვილი არ ფიქრობს, რომ   ეს ნაფიც მსაჯულთა ინსტიტუტის გაუქმების წინაპირობა  იყოს.

„ალბათ, რაღაც დონეზე იქნება შენარჩუნებული“, - განაცხადა სალომე ზურაბიშვილმა.

ცნობისთვის, საკონსტიტუციო კომისიაზე  გაჩნდა ინიციატივა, რომ კონსტიტუციიდან ნაფიც მსაჯულთა ინსტიტუტის ამოღება მოხდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ახლა ჩვენი ჯერია“: ბაიდენმა ამერიკული გზის დაუმთავრებელ ბუნებაზე ისაუბრა

ტრამპი ხამენეის დაკრძალვაზე: ჩვენ შეგვიძლია ყველა ერთი დარტყმით გავანადგუროთ

ელენე ხოშტარიას მიმართვა ALDE-ს - რუსეთი ცდილობს დაამარცხოს ევროპა საქართველოში

ALDE-მ საქართველოს შესახებ რეზოლუცია მიიღო