თავდაცვის სამინისტროს ყოფილი მაღალჩინოსნის გიორგი ლობჟანიძის ადვოკატის, ლევან ვეფხვაძის განცხადებით, მიუკერძოებელი სასამართლოს პირობებში ე.წ.  კებელების საქმეზე ერთადერთი სამართლიანი გადაწყვეტილება გამამართლებელი განაჩენის გამოტანაა.

ამასთან, ადვოკატის თქმით, სასამართლოს შეუძლია ბრალდებულების მიმართ მუხლის გადაკვალიფიცირება მოახდინოს, თუმცა რა განაჩენს გამოიტანს სააპელაციო სასამართლო ეს ცოტა ხანში გახდება ცნობილი.

შეგახსენებთ, 2016 წლის 16 მაისს,  თბილისის საქალაქო სასამართლოს სისხლის სამართლის საქმეთა კოლეგიამ თავდაცვის სამინისტროს  მაღალჩინოსნები დამნაშავედ სცნო და მათ 7 წლით თავისუფლების აღკვეთა მიუსაჯა. მათვე 2 წლის ვადით ჩამოერთვათ საჯარო სამსახურში თანამდებობის დაკავების უფლება.    

გიზო ღლონტს, გიორგი ლობჟანიძეს, არჩილ ალავიძეს, დავით წიფურიას და ნუგზარ კაიშაურს ბრალად ედებოდათ  წინასწარი შეთანხმებით ჯგუფის მიერ, სამსახურებრივი მდგომარეობის გამოყენებით, მის მართლზომიერ მფლობელობაში არსებული, დიდი ოდენობით, სხვისი ნივთის მართლსაწინააღმდეგო გაფლანგვა.  

საქმეზე პირველ ინსტანციაში გაიმართა 50 სასამართლო პროცესი. დაიკითხა ბრალდების 67 და დაცვის 10 მოწმე,  ასევე, თავად ბრალდებულები.

აღნიშნული განაჩენი დაცვის მხარემ  თბილისის სააპელაციო სასამართლოს სისხლის სამართლის საქმეთა პალატაში გაასაჩივრა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: აშშ ირანზე ახალი დარტყმებისთვის ემზადება

ტრამპი: აშშ უკრაინას Patriot-ის სისტემებისა და რაკეტების წარმოების ლიცენზიას მისცემს

„მოიწვიე ფინედუ კლასში“ - საქართველოს ბანკის მხარდაჭერით გამართულ ფინანსური განათლების გაკვეთილებს 1000-ზე მეტი მოსწავლე დაესწრო

ნატოს სამიტზე სტარმერმა ევროპას შორი მოქმედების იარაღისთვის 50 მლრდ-იანი გეგმა წარუდგინა