რუსეთის ფედერაციას 2008 წელს რუსეთ - საქართველოს ომში მონაწილე ქართველი  სამხედროების რუსეთში ექსტრადირება სურს.

როგორც „ექსპრესნიუსისთვის“ ექსკლუზიურად მოსკოვიდან გახდა ცნობილი,  რუსეთის ფედერაციის საგამოძიებო კომიტეტს საქმე აღძრული აქვს რამდენიმე ქართველი სამხედროს წინააღმდეგ. დაზუსტებული ცნობით, გამოძიება მიმდინარეობს ზაურ ბერიანიძის წინააღმდეგ, რომელიც ამჟამად თავდაცვის სამინისტროს თადარიგის პოლკოვნიკია. ბერიანიძე 2008 წლის რუსეთის აგრესიის დროს, მეორე ქვეითი ბრიგადის დაზვერვის უფროსი იყო.

რუსეთის ფედერაციის საგამოძიებო კომიტეტმა ბერიანიძის წინააღმდეგ, გამოძიება დაიწყო 2008 წლის აგვისტოში ცხინვალში რუს მშვიდობისმყოფელებზე თავდასხმის და მკვლელობის მოტივით.

საგამოძიებო კომიტეტი ასევე იძიებს კიდევ ერთი სამხედროს, 2008 წლის რუსეთ-საქართველოს ომში მონაწილე ირაკლი ქურასბედიანის საქმეს. მას ბრალად ედება რუს მშვიდობისმყოფელებზე თავდასხმა.  ირაკლი ქურასბედიანი საქართველოს თავდაცვის სამინისტროს სამხედრო დაზვერვის დეპარტამენტის უფროსი იყო.

ამასთან, ქურასბედიანს ძარის გზაზე რუსი სამხედროების მკვლელობასაც მიედავებიან. როგორც „ექსპრესნიუსს“ მოსკოვიდან აცნობეს, ორივე მებრძოლზე რუსეთის საგამოძიებო კომიტეტი ინტენსიურ გამოძიებას აწარმოებს და ამასთან გზებს ეძებს როგორ მოახდინოს მათი ექსტრადირება მოსკოვში.  

არც ქურასბედიანი და არც ბერიანიძე ამჟამად საქართველოში არ იმყოფებიან. ქართველი მებრძოლები ამჟამად უკრაინის შეიარაღებულ ძალებში რუსეთის ფედერაციის წინააღმდეგ იბრძვიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: აშშ ირანზე ახალი დარტყმებისთვის ემზადება

ტრამპი: აშშ უკრაინას Patriot-ის სისტემებისა და რაკეტების წარმოების ლიცენზიას მისცემს

„მოიწვიე ფინედუ კლასში“ - საქართველოს ბანკის მხარდაჭერით გამართულ ფინანსური განათლების გაკვეთილებს 1000-ზე მეტი მოსწავლე დაესწრო

ნატოს სამიტზე სტარმერმა ევროპას შორი მოქმედების იარაღისთვის 50 მლრდ-იანი გეგმა წარუდგინა