საპარლამენტო უმცირესობაში შემავალი ფრაქციები „გაზპრომის“ საკითხზე მმართველ გუნდს დებატებში იწვევენ

2017-01-23 12:12:53, 1319 ნახვა

პოლიტიკა

საპარლამენტო უმცირესობაში შემავალი ფრაქციები „გაზპრომის“ საკითხზე საპარლამენტო უმრავლესობას დებატებში იწვევევენ.

განცხადება ფრაქცია „ევროპულმა საქართველომ“ საკანონმდებლო ორგანოში უკვე დაარეგისტრირა.

როგორც სერგო რატიანმა აღნიშნა, საგაზაფხულო სესიის პირველივე სხდომაზე 8 თებერვალს „გაზპრომის“ საკითხის განხილვა უნდა მოხდეს.

„მას შემდეგ, რაც კალაძე არ მოვიდა უმცირესობასთან შესახვედრად საკანონმდებლო ორგანოში, ამის შემდეგ მოვითხოვეთ პოლიტიკური დებატები. პასუხი უნდა გაეცეს თუ რატომ მიიღო ხელისუფლებამ ანტისახელმწიფოებრივი გადაწყვეტილება“, - განაცხადა სერგო რატიანმა.

პოლიტიკოსის განმარტებით, იმ შემთხვევაში თუკი უმრავლესობა დებატებზე უარს იტყვის, შესაბამისი გადაწყვეტილება საპარლამენტო უმცირესობის მხრიდან იქნება მიღებული.

ამასთან, რატიანი მათ სამოქმედო გეგმებზე არ საუბრობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან