თურქეთში მოკლული რუსეთის ელჩი ანდრეი კარლოვი მოსკოვის სასაფლაოზე დაკრძალეს, - ამის შესახებ "რია-ნოვოსტი" იუწყება. 

მედიის ცნობით, დაკრძალვამდე ანდრეი კარლოვის ცხედარი საგარეო საქმეთა სამინისტროს შენობაში დაასვენეს. სამგლოვიარო ღონისძიებაში მონაწილეობა რუსეთის პრეზიდენტმა ვლადიმერ პუტინმა და პერმიერ-მინისტრმა დიმიტრი მედვედევმა მიიღეს, პატრიარქმა კირილემ კი მოსკოვის მაცხოვრის ტაძარში პანაშვიდი გადაიხადა. დაკრძალვის ცერემონია სამხედრო პატივით გაიმართა.

ცნობისთვის, 21 დეკემბერს ვლადიმერ პუტინმა მოკლულ დიპლომატს რუსეთის გმირის წოდება მიანიჭა.

შეგახსენებთ, რომ ანდრეი კარლოვი 19 დეკემბერს ანკარაში ფოტოგამოფენის გახსნის დროს მოკლეს. მას 22 წლის მევლუთ მერთ ალთინთაშმა ესროლა, რომელიც ყოფილი სპეცრაზმელი იყო. ის პოლიციამ შემთხვევის ადგილზევე მოკლა. თურქეთმა და რუსეთმა მომხდარს ტერაქტის კვალიფიკაცია მისცეს და მკვლელობის ერთობლივ გამოძიებაზე შეთანხმდნენ. რუსეთმა თურქეთში 18-კაციანი საგამოძიებო ჯგუფი გაგზავნა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დამასკოში, ტურიზმის სამინისტროსთან ორი აფეთქების შედეგად 18 ადამიანი დაშავდა, მათ შორის ოთხი პოლიციელია

მარიჯანის ქუჩის მაცხოვრებლებს ექსპერტებმა ზეპირსიტყვიერად განუცხადეს, რომ ევაკუაცია არ მოხდება

უკრაინაში SOCAR-ის სადგურზე თავდასხმის გამო აზერბაიჯანმა რუსეთის ელჩი დაიბარა

თიბისი IT აკადემია ბლოკჩეინის ტექნოლოგიების შესწავლის ახალ შესაძლებლობას ქმნის