„ნაციონალური მოძრაობის“ დეპუტატების დედაქალაქის მთავრობის სხდომაზე არდაშვებასთან დაკავშირებით, გადაწყვეტილება რამდენიმე დღის წინ მივიღე“, - ამის შესახებ დედაქალაქის მერმა დავით ნარმანიამ ჟურნალისტებს მთავრობის სხდომის დასრულების შემდეგ განუცხადა.

მისივე თქმით, საკრებულოს ფრაქცია „ნაციონალური მოძრაობის“ წევრების არ დაშვება დედაქალაქის მთავრობის სხდომაზე, მისი პრინციპულად მიღებული გადაწყვეტილებაა.

როგორც ნარმანიამ აღნიშნა, „ნაციონალური მოძრაობის“ წევრების მთავრობის სხდომაზე არ დაშვებას მთავარი საფუძველი აქვს - „მათი მხრიდან არაადეკვატური და ცრუ ინფორმაციის გავრცელება“.

„პირველი არის ის, რომ როცა ისინი სხდომას ესწრებიან, ისმენენ ჩვენს საკითხებს, გამოდიან გარეთ და სხვანაირად საუბრობენ. მათ საზოგადოება შეყავთ შეცდომაში. მეორე, როცა წინა შეხვედრაზე მათი წარმომადგენლები სხდომას ესწრებოდნენ, მე მათ ვუთხარი, რომ კონკრეტულად „ნაციონალური მოძრაობის“ მხრიდან, საკითხის შეფერხება დედაქალაქის ბაღის შენობის დაბრუნებასთან დაკავშირებით გადაწყვეტილი უნდა ყოფილიყო და უნდა დაგვხმარებოდნენ, რაც მათი მხრიდან არ შესრულებულა. მათ ასევე მთავრობის სხდომაზე შემოშვლით უნდათ, რომ შემდგომ ცალკეული საკითხები აწიონ და შესაბამისად მასკარადად აქციონ. ჩვენ ვაკეთებთ საქმეს და არ დავუშვებთ, რომ საქმეში ვინმემ ხელი შეგვიშალოს“, - განაცხადა დავით ნარმანიამ.

შეგახსენებთ, საკრებულოს "ნაციონალური მოძრაობის" ფარქციის დეპუტატები თემურ გრიგალაშვილი და ირაკლი აბესაძე  დღეს დილით თბილისის მერიაში მივიდნენ, თუმცა ისინი შენობაში დაცვის თანამშრომლებმა არ შეუშვეს, რასაც მცირე  ხმაური მოჰყვა.

როგორც ირაკლი აბესაძემ აღნიშნა, მათ დედაქალაქის მთავრობის სხდომაზე დასწრების უფლება აქვთ.

დეპუტატების განმარტებით, დაცვის თანამშრომლებმა არ შეშვების მიზეზად მთავრობის სხდომაზე არასაკმარისი ადგილების რაოდენობა დაუსახელეს.

"მე მაქვს საშვი, რომლითაც ვალდებული არიან შემომიშვან და სადაც მინდა შემდეგ  იქ შევალ, მინდა მთავრობის სხდომას დავესწრები, მინდა იურიდიულ სამსახურში ავალ და  კოლეგებს ვნახავ, მინდა სოციალურ სამსახურში ავალ და გავარკვევ რას აკეთებს და რაზე მუშაობს",-განაცხადა ირაკლი აბესაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა