საქართველოს სახალხო დამცველის, უჩა ნანუაშვილის განცხადებით, სვანეთში გადაღებულ ვიდეოსთან დაკავშირებით გამოძიება აუცილებლად უნდა დაიწყოს.

კერძოდ, როგორც ომბუდსმენმა აღნიშნა, შესაბამისმა ორგანოებმა საკითხის შესწავლა ზეწოლის ფაქტზე უნდა დაიწყონ.

„ვფიქრობ, თუკი იძულების, ან ზეწოლის კონკრეტული ფაქტები მოხდა, რაც გავრცელებულ ვიდეოში ჩანს და ამის დამადასტურებელი ვიდეო სოციალურ ქსელებში გავრცელდა, შესაბამისმა ორგანოებმა ამ საკითხის შესწავლა უნდა დაიწყონ. მედიაში გავრცელებული კონკრეტული დანაშაულის შესახებ ფაქტები, აძლევს სტრუქტურებს იმის საფუძველს, რომ გამოძიება განცხადების გარეშე დაიწყონ“, - განაცხადა უჩა ნანუაშვილმა.

ცნობისთვის, Facebook-ზე გავრცელებული ვიდეოს შესახებ, რომელიც მუქარის ნიშნებს შეიცავს, გამოძიება არ დაწყებულა. როგორც შსს-ში აცხადებენ, მათთვის ვიდეოსთან დაკავშირებით განცხადებით არ მიუმართავთ.

შეგახსენებთ, სვანეთის ხედის ფონზე გადაღებული შიშველი ფოტოს გამოქვეყნების შემდეგ ახალგაზრდა მამაკაცთან რამდენიმე პირი მივიდა. მათთან „გასაუბრების“ შემდეგ, მამაკაცმა სვანებსა და სვანეთს ბოდიში მოუხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი კობახიძე – საქართველო და თურქმენეთი სტაბილური და სანდო სავაჭრო პარტნიორები არიან

ახალქალაქში, საკუთარ სახლში, მამაკაცის ცხედარი იპოვეს

ვაკის პარკის შადრევნის საქმეზე დაკავებული ლაშა ფურცხვანიძე ციხიდან ვადაზე ადრე გაათავისუფლეს

უკრაინის რადამ ახალ პრემიერ-მინისტრად სერგეი კორეცკი დაამტკიცა