პრემიერი: 2-3 სამინისტროს მიმართულებით იქნება ცვლილებები, თუმცა ეს არ ნიშნავს, რომ დღეს ვინმე ვერ აკეთებს საქმეს

2016-10-29 21:28:11, 715 ნახვა

პოლიტიკა

2-3 სამინისტროს მიმართულებით იქნება ცვლილებები, თუმცა ეს არ ნიშნავს, რომ დღეს ვინმე ვერ აკეთებს საქმეს, - ამის შესახებ პრემიერ-მინისტრმა "ქრონიკასთან" საუბარში განაცხადა.

მისი განცხადებით, ახალი მინისტრთა კაბინეტი იქნება დინამიური. მისივე თქმით, "დრო იცვლება, მოთხოვნები ახალია, გვაქვს ძალიან ამბიციური გეგმა, რომელიც ძალიან მაღალ სიჩქარეებს საჭიროებს".

„შემიძლია გითხრათ, რომ ახალი მინისტრთა კაბინეტი იქნება ძალიან დინამიური. გვექნება ძალიან მაღალი სიჩქარე აღებული, რათა ამბიციური გეგმები, რომლებზეც ჩვენ ვსაუბრობდით, შესრულდეს, 4 წლის თავზე ჩვენ მივიღოთ თვისობრივად და ხარისხობრივად განსხვავებული ქვეყანა. ცვლილებები რამდენიმე სამინისტროს შეეხება, მაგრამ დღეს დაანონსება არასწორად მიიმაჩნია. დაახლოებით 2-3 სამინისტროს მიმართულებით იქნება ცვლილებები. ეს არ ნიშნავს, რომ დღეს ვინმე ვერ აკეთებს საქმეს. უბრალოდ, დრო იცვლება, მოთხოვნები ახალია, გვაქვს ძალიან ამბიციური გეგმა, რომელიც ძალიან მაღალ სიჩქარეებს საჭიროებს. სწორედ აქედან გამომდინარე ვღებულობთ ასეთ გადაწყვეტილებას“,-აღნიშნა გიორგი კვირიკაშვილმა.