მომავალი მოწვევის პარლამენტში, პროპორციული სისტემით არჩეულ, საარჩევნო სიით პარლმენტში შემსვლელ სავარაუდო წევრებს ნარკოლოგიური შემოწმება გავლილი აქვთ, - ამის შესახებ ცესკო-ს სპიკერმა ანა მიქელაძემ განაცხადა.

როგორც მიქელაძემ აღნიშნა, აბსოლუტურად ყველა კანდიდატს აქვს წარმოდგენილი ინფორმაცია ნარკოტესტირებასთან დაკავშირებით. 

„საპარლამენტო არჩევნების პროპორციული საარჩვნო სისტემით არჩეულ სავარაუდო წევრებს კენჭისყრიდან  7 დღის ვადაში უნდა გაევლო ნარკოლოგიური შემოწმება და კენჭისყრის დღიდან ორი კვირის განმავლობაში შემოწმების შესახებ ინფორმაცია შესაბამის სამედიცინო დაწესებულებებს უნდა მოეწოდებინა ჩვენთვის. ამავდროულად, პარტიებსაც ჰქონდა შესაძლებლობა აღნიშნული ინფორმაცია მოეწოდებინათ საარჩევნო ადმინისტრაციისათვის. ამ ეტაპზე აბსოლუტურად ყველა კანდიდატს აქვს წარმოდგენილი ინფორმაცია, თითეული საარჩვნო სუბიექტის მიერ არის წარდგენილი ინფორმაცია სავარაუდოდ არჩეული წევრების ჯანმრთელობის მდგომარეობის შესახებ და თითეულ ცნობაში არის მითითებული, რომ ისინი არ არიან ნარკოტიკების მომხმარებლები",- განაცხადა მიქელაძემ.

რაც შეეხებათ მაჟორიტარული სისტემით არჩევნებში მონაწილე კანდიდატებს. ცენტრალურ საარჩევნო კომისიაში განმარტავენ, რომ კანონმდებლობის თანახმად მაჟორიტარებს შესაბამისი ცნობა კანდიდატად რეგისტრაციის დროს უნდა წარედგინათ და ცესკო-ში წარმოდგენილია ინფორმაცია, რომ ისინი არ არიან ნარკოტიკების მოხმარებლები. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ Wildberry-ზე თავდასხმას უკრაინის სამოქალაქო ინფრასტრუქტურაზე რუსეთის მიერ განხორციელებულ დარტყმებზე საპასუხოდ შეაფასა

მოსკოვისა და ტამბოვის ოლქებში მომხდარი დარტყმების შედეგად შვიდი ადამიანი დაიღუპა და 50-ზე მეტი დაშავდა

ქვრივიშვილი ჩინეთთან საქართველოს მჭიდრო სავაჭრო ურთიერთობებს ადიდებს

ქუთაისში, ჭავჭავაძის გამზირზე სავაჭრო ჯიხურები დაიწვა