ამერიკელი კონგრესმენები დევიდ დუნკანი (კალიფორნია, რესპუბლიკური პარტია), და  დევიდ შვაიკერტი (არიზონა, რესპუბლიკური პარტია) საქართველოს 8 ოქტომბრის საპარლამენტო არჩევნების ჩატარებას ულოცავენ და ერთხმად აღიარებენ, რომ ეს იყო თავისუფალი, სამართლიანი და კონკურენტული არჩევნები, რაც დემოკრატიის გზაზე ქართველი ხალხის წინსვლას ადასტურებს. 

კონგრესმენ დევიდ დუნკანის თქმით,  2012 წლის შემდეგ, საქართველო უკვე მესამედ მართავს არჩევნებს თავისუფალ და სამართლიან გარემოში, რაც, როგორც კონგრესმენი დევიდ შვაიკერტი აცხადებს,  „საქართველოს ძირითადი დემოკრატიული ინსტიტუტის სიცოცხლისუნარიანობასა და დემოკრატიულ პროცესებში სამოქალაქო საზოგადოების აქტიურ ჩართულობაზე მიუთითებს" .

კონგრესმენები ასევე ხაზგასმით აღნიშნავენ, რომ საქართველო, რომელიც რუსული აგრესიის მსხვერპლია, ამერიკის შეერთებული შტატების მეგობარი და პარტნიორია რეგიონში  და ის აშშ-ს მთავრობის მტკიცე მხარდაჭერას იმსახურებს.

კონგრესმენების განცხადებებს საქართველოს საგარეო საქმეთა სამინისტრო ავრცელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით