ჟენევის მოლაპარაკებების 31-რაუნდზე ე.წ. „სამოკავშირეო ხელშეკრულებას“ განიხილავენ

2015-03-17 14:25:12, 500 ნახვა

პოლიტიკა

ჟენევის 31-ე რაუნდზე საუბრის ერთ-ერთი მთავარი თემა ოკუპირებული ცხინვალის რეგიონთან ე.წ. „სამოკავშირეო ხელშეკრულების“ გაფორმება იქნება, რომელსაც ხვალ რუსეთის ფედერაცია ოკუპირებ ცხინვალის რეგიონთან გააფორმებს.
როგორც შერიგებისა და სამოქალაქო თანასწორობის საკითხებში სახელმწიფო მინისტრის მოადგილემ ქეთევან ციხელაშვილმა ჟურნალისტებთან საუბრისას განაცხადა, ჟენევის 31- ე რაუნდზე ქართული მხარე მწვავედ დასვამს ყველა იმ საკითხს, რომელიც ქვეყნისთვის იქნება საინტერესო.
„ე.წ. ცერემოინალი, რომელიც დაგეგმილია 18 მარტისათვის, ამ შემთხვევაში მნიშვენოლაბა არა აქვს ეს არის გაუმიზნავი დამთხვევა თუ პირიქით მიზანმიმართული პროვოკაცია, ყველა შემთხვევაში ეს არის გამომწვევი ნაბიჯი. დღეს, ჩვენ ვისაუბრებთ თანათავმჯდომარეებთან ორივე სამუშაო ჯგუფის ფარგლებში, ასევე ამერიკელ კოლეგებთან, ძალიან მწვავედ დავსვამთ ამ საკითხს და მოვსინჯავთ გზებს როგორ შეიძლება სწორედ ის, რომ მაქსიმალურად გამახვილდეს ყურადღება იმ თემებზე, რომელიც აინტერსებს ქართულ მხარეს“,-აღნიშნა ციხელაშვილმა.
ამასთან, ჟენევის მოლაპარაკებების რაუნდში მონაწილეობის მისაღებად ოკუპირებული სამხრეთ ოსეთის წარმომადგენელი ომარ ჯიოევი ჩამოვიდა, რომელმაც აღნიშნულ საკითხთან დაკავშირებით ჟურნალისტებთან კომენტარი არ გააკეთა.
ცნობისთვის, ჟენევის მოლაპარაკებები ორი დღის განმავლობაში გაგრძელდება. ხვალ ადგილობრივი დროით 17:00 საათისთვის პრესკონფერენცია გაიმართება, სადაც შეჯამდება ორი დღის მუშაობის შედეგები.