მე ნამდვილად არ ვზეიმობ ეგზიტპოლების შედეგს, მე ვზეიმობ იმ წარმატებულ არჩევნებს, რომელიც საქართველოში ჩატარდა, - ამის შესახებ „ქართული ოცნების“ პოლიტსაბჭოს წევრმა დავით საგანელიძემ ჟურნალისტებს განუცხადა.

როგორც საგანელიძემ აღნიშნა, საქართველოში უპრეცენდენტო არჩევნები ჩატარდა.

„თითქმის ყველა არჩევნები ვიცი, რაც დამოუკიდებელი საქართველოს ისტორიაში ხდებოდა. გარდა იმ გამონაკლისი პროვოკაციებისა, რომელიც სამწუხაროდ მოხდა, ყველაფერი რომ გაირკვევა, ალბათ გამოვლინდება ვის აწყობდა ეს და ვის უნდოდა. ხელისუფლებას, რომ არ აწყობდა და არ გააკეთებდა, მემგონი ყველასთვის ნათელია“, - განაცხადა საგანელიძემ. საგანელიძეს თქმით, ეგზიტპოლებში გამოჩნდა ციფრები, თუმცა ციფრებს მნიშვნელობა არ აქვს. „მთავარია, რომ უმრავლესობაში ქართული ოცნება იქნება. ალბათ ყველა მაჟორიტარს ქართული ოცნება აიღებს, ყველა ოლქში, ყველა რაიონში, ქართველმა ხალხმა ქართული ოცნების წარმომადგენელს დაუჭირა მხარი. დარწმუნებული ვარ, ეს პარლამენტი იქნება დამოუკიდებელი საქართველოს ისტორიაში ყველაზე წარმატებული და ყველაზე ღირსეული, ისეთი ღირსეული ადამიანებით არის დაკომპლექტებული“, - განაცხადა საგანელიძემ.

პოლიტსაბჭოს წევრმა საქართველოს მოქალაქეებს მიულოცა და ამომრჩევლებს მადლობა გადაუხადა.

ამასთან, მანვე აღნიშნა, რომ სამწუხაროა ის ფაქტი, რომ პარლამენტში მეტი პარტია არ შედის.

„ძალიან ცუდია, რომ პოლიტიკური პარტიების დიდმა ნაწილმა ვერ გამოძებნა თავის თავში ძალა, რომ ერთმანეთთან საერთო ენა გამოეძებნათ, დაჯგუფებულიყვნენ, ბლოკები შეექმნათ. საერთოდ მე მიმაჩნია, რომ პარლამენტში რაც მეტი პოლიტიკური ძალაა წარმოდგენილი, მით უკეთესია ქვეყნისთვის. სამწუხაროდ ასე ვერ მოხდა, მაგრამ ალბათ მომავალში ეს იქნება კარგი მაგალითი იმისთვის, რომ პარტიებმა შეძლონ დაჯგუფება და კოალიციის სახით გაერთიანება“, - განაცხადა საგანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მიხეილ სააკაშვილი: რიყის თეატრი თქვენი მემკვიდრეობაა, რომელსაც ახლა ხალხს ართმევენ

გეგელია: კრემლი ღიად აქებს „ოცნების“ მთავრობას მეასედ

ირაკლი კობახიძე – საქართველო და თურქმენეთი სტაბილური და სანდო სავაჭრო პარტნიორები არიან

ახალქალაქში, საკუთარ სახლში, მამაკაცის ცხედარი იპოვეს