ვისაც ჰგონია, რომ 9 თვის ბარბარე რაფალიანცისა და დიდი ალბათობით ეროსი კიწმარიშვილის მკვლელები, გივი თარგამაძის მძიმე საფრთხეში ჩაგდებაზე არ წავიდოდნენ, დაშინების ან ფიზიკური განადგურების მიზნით, ძალიან ცუდად იცნობს ივანიშვილსა და 90-იანი წლების რუსეთს, სადაც მან ფული იშოვა, - ასე ეხმაურება ყოფილი პრეზიდენტი მიხეილ სააკაშვილი გივი თარგამაძის მანქანის აფეთქებას Facebook-ის პირად გვერდზე.

როგორც სააკაშვილი წერს, ბიძინა ივანიშვილისთვის ხელისუფლების დაკარგვა, ყველაფრის დაკარგვის ტოლფასია და ის ბოლომდე გაიბრძოლებს, ამიტომ დესტაბილიზაცია მის ინტერესებში შედის.

"ჯერ კიდევ ბორის ნემცოვი, რომელიც რუსეთიდან ივანიშვილს კარგად იცნობდა, შარშან კიევში მაფრთხილებდა, რომ ივანიშვილი და ივანიშვილის წარმატებაში დაინტერესებული ძალები ყველანაირ ძალადობაზე არიან წამსვლელები. ვისაც ჰგონია, რომ 9 თვის ბარბარე რაფალიანცისა და დიდი ალბათობით ეროსი კიწმარიშვილის მკვლელები, გივი თარგამაძის მძიმე საფრთხეში ჩაგდებაზე არ წავიდოდნენ, დაშინების ან ფიზიკური განადგურების მიზნით, ძალიან ცუდად იცნობს ივანიშვილსა და 90-იანი წლების რუსეთს, სადაც მან ფული იშოვა. ივანიშვილისთვის ხელისუფლების დაკარგვა, ყველაფრის დაკარგვის ტოლფასია და ის ბოლომდე გაიბრძოლებს, ამიტომ დესტაბილიზაცია მის ინტერესებში შედის. შემდეგი დღეები, უნდა შევინარჩუნოთ სიმშვიდე და მივყვეთ ჩვენს გეგმას, არჩევნების ჩატარებისა და ოლიგარქის მარწუხებიდან საბოლოოდ განთავისუფლების.

P.S. ჩემს მეგობარს და დიდ პატრიოტს გივი თარგამაძეს ვულოცავ გადარჩენას, ჩემი აზრით ის სამიზნედ ამოირჩიეს იმის გამო, რომ აქტიურად ეკონტაქტებოდა სამართალდამცავებს, რაც ძალიან აშინებს ივანიშვილის ხელისუფლებას და ზოგადად ქვეყნის არაკეთილმოსურნეებს. დიდი იმედი მაქვს, რომ ყველა დაშავებული კარგად იქნება. 

დარწმუნებული ვარ, რომ ოქტომბრის შემდეგ მოსული ახალი ხელისუფლება აუცილებლად დეტალურად გამოიძიებს რაფალიანცის, კიწმარიშვილისა და დღევანდელ საქმეებს და ზუსტად დაადგენს დამნაშავეებს - როგორც შემსრულებლებს, ისე დამკვეთებს", - წერს ოდესის გუბერნატორი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ თავდაცვის მინისტრი თანამდებობიდან გადააყენა - ამას პროტესტი მოჰყვა

ვოლსკი: მაკა ბოჭორიშვილის ვაშინგტონში მიწვევა სერიოზული დასტურია, რომ საქართველოსთან თანამშრომლობა საგანგებოდ მნიშვნელოვანია

ირანის შეიარაღებული ძალების გაერთიანებული სარდლობა - აშშ-ის მიერ ჰორმუზის სრუტეში ჩარევას არ დავუშვებთ

მილიარდერები რუსეთიდან თავიანთი ფულის გატანას ჩქარობენ, რადგან სამხედრო ბიუჯეტისთვის კონფისკაციის შიში აქვთ