ხვალიდან იუსტიციის სახლის 400-მდე სერვისით სარგებლობა უკვე ონის მცხოვრებთაც შეეძლებათ. 4 ოქტომბერს იუსტიციის სახლის რიგით მეცხრამეტე ფილიალს ონში იუსტიციის მინისტრი თეა წულუკიანი გახსნის.

ონის იუსტიციის სახლი პირველია რაჭა-ლეჩხუმში. ის მომხმარებელს იუსტიციის სახლებისთვის დამახასიათებელ უმაღლესი ხარისხის მომსახურებას შესთავაზებს. სერვისების მიღება ონშიც მინიმალურ დროსა და კომფორტულ გარემოში იქნება შესაძლებელი. ონის იუსტიციის სახლი შოვისკენ მიმავალ ცენტრალურ გზაზე მდებარეობს და ის მოემსახურება როგორც ადგილობრივ მოსახლეობას, ასევე ტურისტებსა და დამსვენებლებს და მათ სახელმწიფო და კერძო სექტორის სერვისებზე წვდომას გაუადვილებს.

ონის იუსტიციის სახლის გახსნის საზეიმო ღონისძიება საღამოს 19:00 საათიდან დაიწყება. ოფიციალურ სტუმრებთან ერთად ცერემონიალს ონის მცხოვრებნი და ქალაქის სტუმრები დაესწრებიან. გაიმართება გრანდიოზული კონცერტი, საღამოს კი  ფოიერვერკი დაასრულებს.

ონის იუსტიციის სახლი 531 კვადრატულ მეტრს მოიცავს და ვახტან მეექვსეს ქუჩაზე მდებარეობს. მისი მშენებლობა არქიტექტორ მიხეილ გიორგობიანის ტენდერით შერჩეული პროექტით განხორციელდა.

ონის იუსტიციის სახლი ბოლო ორი წლის განმავლობაში აშენებული მეშვიდე  ფილიალია. 2013 წლიდან დღემდე უკვე აშენდა და გაიხსნა ზუგდიდის, ფოთის, თიანეთის, ყაზბეგის, ბორჯომისა და ლაგოდეხის იუსტიციის სახლები.  უახლოეს პერიოდში კიდევ ერთი იუსტიციის სახლი ახალქალაქში გაიხსნება.

იუსტიციის სახლის გახსნის ღონისძიებას ონში დაესწრებიან  საკანონმდებლო და აღმასრულებელი ხელისუფლების, თვითმმართველობის წევრები; დიპლომატიური კორპუსის, საერთაშორისო მისიების, ბიზნესსექტორისა და არასამთავრობო ორგანიზაციების წარმომადგენლები.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ძვლის ტვინის გადანერგვის შემდეგ გართულების სამკურნალო "ჯაკავი" დაფინანსდება – ჯანდაცვა

რუსეთი საქართველოს მოუწოდებს, ალის გამოუყენებლობის შესახებ იურიდიულად სავალდებულო შეთანხმება შეიმუშაონ

ბარციცი: საქართველო ძალის გამოუყენებლობის შეთანხმებაზე დამატებით პროგრესს შეუძლებელს ხდის

მოსკოვი საქართველოს ოკუპირებულ ცხინვალთან და აფხაზეთთან ძალის გამოუყენებლობის შესახებ შეთანხმების გაფორმებისკენ მოუწოდებს