2016-09-26 11:12:06, 782 ნახვა
საზოგადოება
„აუდიტორია 115“-ის წევრები უნივერსიტეტში შეიჭრნენ
„აუდიტორია 115“ წევრები თსუ-ს დაცვის კორდონი გაარღვიეს და უნივერსიტეტში შეიჭრნენ.
ისინი იმ აუდიტორიამდე მისვლას ცდილობენ, სადაც ამ წუთებში თსუ-ს რექტორი, განათლების მინისტრი, ფინანსთა მინისტრის, თბილისის საკრებულოს თავმჯდომარე და სხვა წევრები პირველ კურსელებს სწავლის დაწყებას ულოცავენ.
სტუდენტებს დაცვის სამსახურის თანამშრომლები აუდიტორიასთან მისვლის საშუალებას არ აძლევენ.
დაძაბული სიტუაციის გამო თსუ-ში მობილიზებულია პოლიცია.
ამ წუთებში სტუდენტებთან დასალაპარაკებლად თსუ-ს რექტორი გიორგი შარვაშიძე გამოვიდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
