დავით სერგეენკო ოზურგეთს სტუმრობდა

2016-09-21 18:22:46, 834 ნახვა

პოლიტიკა

ვიზიტის ფარგლებში დავით სერგეენკო და არჩილ თალაკვაძე, მხარის გუბერნატორთან და ქალაქის მერთან ერთად სამედიცინო სფეროს მუშაკებს, შშმ პირებს და ახალგაზრდებს შეხვდნენ.

შეხვედრაზე ჯანდაცვის სფეროში განხორციელებულ და მიმდინარე რეფორმებზე, საყოველთაო ჯანდაცვის პროგრამის შედეგებზე და C ჰეპატიტის პროგრამაზე ისაუბრეს. შეხვედრა ოზურგეთის დემოკრატიული ჩართულობის ცენტრში გაიმართა.

“არჩილს დიდი დამსახურება აქვს სასჯელაღსრულების სისტემაში ჯანდაცვის რეფორმის განხორციელებაში. ასევე, მან მოამზადა ზუსტად გათვლილი C ჰეპატიტის პროექტი, რაც აღმოჩნდა გადამწყვეტი, რომ დაგვერწმუნებინა ჩვენი ამერიკელი პარტნიორები და C ჰეპატიტის პროგრამა მთელს ქვეყანაში დაგვეწყო” - განაცხადა მინისტრმა.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან