„ქართული ოცნება-დემოკრატიული საქართველოს“ აჭარის ავტონომიური რესპუბლიკის უმაღლესი საბჭოს პროპორციული სიის პირველი ნომერი, ბათუმის 70-ე მაჟორიტარული ოლქის მაჟორიტარი დეპუტატობის კანდიდატი ნუგზარ სურმანიძე და ბათუმის 70-ე მაჟორიტარული ოლქის მაჟორიტარი დეპუტატობის კანდიდატი საქართველოს პარლამენტში მუხრან ვახტანგაძე წინასააჩევნო შეხვედრებს მართავენ.

როგორც "ექსპრესნიუსს" პარტიის პრეს-სამსახურმა აცნობა, დეპუტატობის კანდიდატებმა მორიგი შეხვედრა ტაბიძის ქუჩის მოსახლებასთან გამართეს. კანდიდატები დასახლებაში განხორციელებულ ინფრასტრუქტურულ პროექტებს გაეცნენ და არსებული პრობლემებით დაინტერესდნენ.

ტაბიძის ქუჩაზე მოწესრიგებულია გზა, ეზოები, დამონტაჟებულია ტრენაჟორები, მოწყობილია მინი სტადიონი, დასრულებულია კორპუსების გადახურვა.

„ქართული ოცნება“ ყოველთვის იდგა ხალხის სამსახურში და ეს მომავალშიც გაგრძელდება. შეხვედრებზე მოსახლეობას ვაცნობთ ჩვენს სამოქმედო გეგმას და მათ საჭიროებებს ვეცნობით. ჩვენ დავპირდით მათ, ნებისმიერი პრობლემის მოგვარებაზე ვიზრუნებთ“, - განაცხადა ნუგზარ სურმანიძემ.

მუხრა ვახტანგაძის განცხადებით კი, „ქართული ოცნების“ საარჩევნო პროგრამა ითვალისწინებს ჩვენი ქვეყნის განვითარებას, მოსახლეობის კეთილდღეობას, დასაქმებას, მომავალი თაობის განათლებას და სპორტის ხელშეწყობას.

“მაქსიმალურად ვეცდებით, რომ რაც შეიძლება მეტი ახალგაზრდა იყოს სპორტით დაკავებული”, - აღნიშნა ამომრჩევლებთან შეხვედრაზე მუხრან ვახტანგაძემ. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი

ქუთაისში, იოსელიანის ქუჩაზე ხარაჩო ჩამოიშალა და მუშა მოიყოლა, ის გარდაიცვალა