„ქართული ოცნება - დემოკრატიული საქართველოს“ დუშეთის, ყაზბეგისა და თიანეთის გაერთიანებული ოლქების მაჟორიტარობის კანდიდატი, ზაქარია ქუცნაშვილი  მოსახლეობასთან შეხვედრებს განაგრძობს.

ამჯერად იგი ყაზბეგის მუნიციპალიტეტის სოფლების- ტყარშეტი, ვარდისუბანი, სიონი, გარბანი, არშა, აჩხოტი, ჯუთა, კარკუჩა, ახალციხე, სნო, ფანშეტი, გუდაური, კობი, ყანობი, ხურთისი, ფხელშესა და გორისციხეს მაცხოვრებლებს შეხვდა.

 მაჟორიტარობის კანდიდატმა მოსახლეობას საპროგრამო დაპირება გააცნო და სამომავლო გეგმებზე ისაუბრა.

„ჩვენს პრიორიტეტს ძლიერი სოფლის არსებობა წარმოადგენს, რომლის დადასტურებაა „მთის განვითარების კანონი“. უნდა შევძლოთ და მაქსიმალურად გამოვიყენოთ ყველა ის უპირატესობა, რაც ყაზბეგის მუნიციპალიტეტს აქვს. სოფლის მეურნეობის დარგებისა და ადგილობრივი წარმოების განვითარება როგორც მოხევეთა დასაქმებას, ასევე, საერთო სოციალური მდგომარეობის გაუმჯობესებას შეუწყობს ხელს. ამასთანავე, დარიალის გვირაბის მშენებლობა საბოლოოდ უზრუნველყოფს საქართველოს საერთაშორისო სატრანზიტო ქვეყნის ფუნქციის მდგრადობას. ტრანსპორტი 24 საათის განმავლობაში უსაფრთხოდ გადაადგილდება სამხრეთიდან ჩრდილოეთის და ჩრდილოეთიდან სამხრეთის მიმართულებით“ , -განაცხადა  ზაქარია ქუცნაშვილმა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის კონგრესი ემზადება, ტრამპს მიანიჭოს უფლებამოსილება, დააწესოს 100%-მდე ტარიფები რუსული ნავთობის მყიდველებისთვის

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს