თბილისის საქალაქო სასამართლომ  სოსო ჯოხაძის მკვლელობის საქმეზე დაკავებულ ბადრი ნათობაძეს აღკვეთის ღონისძიების სახით, წინასწარი პატიმრობა შეუფარდა. ადვოკატი პატიმრობის გამოყენების საფუძველს ვერ ხედავდა და მისი დაცვის ქვეშ მყოფისთვის 5 ათას ლარიანი გირაოს შეფარდებას ითხოვდა.
წინასასამართლო სხდომა 25 ოქტომბერს ჩაინიშნა.

ბადრი ნათობაძეს ბრალი სისხლის სამართლის კოდექსის 109-ე მუხლით აქვს წაყენებული, რაც დამამძიმებელ გარემოებებში განზრახ მკვლელობას გულისხმობს.

შეგახსენებთ, გამოძიების ინფორმაციით,  ბრალდებულმა მიმდინარე წლის 2 სექტემბერს, თბილისში, ვაკის რაიონში, ცეცხლსასროლი იარაღიდან გასროლით მრავლობითი ჭრილობა მიაყენა 1979 წელს დაბადებულ სოსო ჯოხაძეს და 1982 წელს დაბადებულ ზ.ჩ-ს. ბრალდებული შემთხვევის ადგილიდან მიიმალა. ერთი დაჭრილი ადგილზე გარდაიცვალა, ხოლო მეორე - გადაყვანილია საავადმყოფოში.

სამართალდამცველებმა ბრალდებული ცხელ კვალზე, თბილისში დააკავეს. პოლიციამ დანაშაულის ჩადენის იარაღი ნივთმტკიცებად ამოიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დამასკოში, ტურიზმის სამინისტროსთან ორი აფეთქების შედეგად 18 ადამიანი დაშავდა, მათ შორის ოთხი პოლიციელია

მარიჯანის ქუჩის მაცხოვრებლებს ექსპერტებმა ზეპირსიტყვიერად განუცხადეს, რომ ევაკუაცია არ მოხდება

უკრაინაში SOCAR-ის სადგურზე თავდასხმის გამო აზერბაიჯანმა რუსეთის ელჩი დაიბარა

თიბისი IT აკადემია ბლოკჩეინის ტექნოლოგიების შესწავლის ახალ შესაძლებლობას ქმნის