„ჩვენ პარლამენტში მყარი უმრავლესობით მოვალთ, ამას „იმედის“ გარდა, ჩვენი კვლევებიც ადასტურებს“, - ამის შესახებ საპარლამენტო უმრავლესობის წევრმა მანანა კობახიძემ ტელეკომპანია „იმედის“ დაკვეთით ჩატარებული კვლევების შეფასებისას „ექსპრესნიუსს“ განუცხადა.

„ტელეკომპანია „იმედის“ კვლევებს დეტალურად არ გავცნობივარ და არ ვიცი ვინ ატარებდა, მაგრამ ის, რომ „ნაციონალურ მოძრაობასთან“ შედარებით „ქართულ ოცნებას“ ბევრად მეტი მხარდაჭერი ყავს, ეს ჩვენი შიდა კვლევებითაც გვაქვს დადასტურებული. ჩვენ პარლამენტში მყარი უმრავლესობით მოვალთ. ამომრჩეველთან ყოველდღიური კომუნიკაცია გვაძლევს ამის განცხადების საფუძველს. „ნაციონალური მოძრაობა“ დისკრედიტირებულია. მათ თავისი მყარი ამომრჩევლები ყავთ - მათი აქტივისტები, მათი ოჯახის წევრები და ა.შ. თუმცა, უმრავლესობის დიდი ნაწილი დაუშვებლად მიიჩნევს, რომ „ნაციონალებს“ ისეთი მხარდაჭერა ქონდეთ, რომლის მეშვეობითაც მათ ოპოზიციურ აქტიურობას ხელშესახებს გახდის. 2012 წელს ძალადობით და დაშანტაჟებით შეძლეს დაახლოებით 40%-ის მიღება. თვითმართველობისა და საპრეზიდენტო არჩევნებზე ჩანს, რომ მათი პროცენტულობა იკლებს და ამ ტენდენციის გაგრძელებას ველოდებით“, - განაცხადა კობახიძემ.

შეგასენებთ, რომ ტელეკომპანია "იმედის" დაკვეთით, ჩატარებული კვლევის თანახმად, გამოკითხულთა 58% არჩევნებზე მისვლას აპირებს.

კითხვაზე, ხვალ რომ საპარლამენტო არჩევნები იყოს, რომელ პარტიას მისცემდით ხმას, გამოკითხულთა 32% მხარს "ქართულ ოცნებას" უჭერს. "ნაციონალურ მოძრაობას" კი 16%.

"თავისუფალ დემოკრატებსა" და "ლეიბორისტულ პარტიას" მხარს გამოკითხულთა 4-4% პროცენტი უჭერს.

გამოკითხვის თანახმად, პაატა ბურჭულაძის პოლიტიკურ პლატფორმას, მხარს 3% უჭერს, "პატრიოტთა ალიანსს" და "დემოკრატიულ მოძრაობას" - 2-2%.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს

უკრაინის პარლამენტმა ქვეყნის მთავრობა დაითხოვა