ვლადიმერ ბედუკაძის განცხადებით, „ნაციონალური მოძრაობის“ 9-წლიან მმართველობაზე რეჟისორ გოგა ხაინდრავას ფილმის - „9+1“-ის სცენარი, რომელიც ციხის კადრებს ეხება, მისი და კიდევ ერთი მსჯავრდებულების მიერ არის დაწერილი, - ამის შესახებ ბედუკაძემ ტელეკომპანია „იბერიის“ ეთერში განაცხადა.

როგორც ბედუკაძემ აღნიშნა, სერიალს პოლიტიკური სახე არ აქვს და ის მხატრულს მიეკუთვნება. 

“როდესაც შარშან შემოთავაზება წამოვიდა ბატონი გოგასგან, მე არანაირი მორალური უფლება არ მქონდა, მისთვის უარი მეთქვა და არ დავხმარებოდი შეძლებისგდაგვარად, რომ ის ფაქტები, რაც საზოგადოებამ იხილა გახმაურებული ციხის კადრებით, მხატვრული სახით კვლავ ენახა საზოგადოებას, მაქსიმალურად მიახლოებულიყო რეალობას. ამ ფილმში, მსახიობებთან ერთად, ყოფილი მსჯავრდებულებიც მონაწილეობენ", - განაცხადა ბედუკაძემ.

ამასთან, მანვე აღნიშნა, რომ ფილმი მაქსიმალურად მიახლოებულია რეალობას. 

"დეტალები არ ვიცი. გარკვეული პერიოდი ვიყავი ჩართული ამ ფილმში კონსულტანტად, გარკვეული პერიოდის მერე არ ვმონაწილეობდი. პირველი სცენარი, რაც ეხება ციხის კადრებს, ჩემს მიერ არის დაწერილი, ასევე, ყოფილი მსჯავრდებულების მიერ. შემდეგ როგორ განვითარდა და საბოლოო სახე რა მიიღო, ჩემთვის უცნობია, რადგან არ მომეცა საშუალება გადაღებას დავსწრებოდი“, - განაცხადა ლადო მან.

ბედუკაძის განმარტებით, თვითონ სერიალის ყურებას არ აპირებს, რადგან „ახალს ვერაფერს შეიტყობს“. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით

სუს: 9 რეგიონში ჩატარებული ღონისძიების შედეგად, დაკავებული და სისხლის სამართლის პასუხისგებაში მიცემულია 28 პირი

ფოთი - ჭადრაკის ქალაქი. საქართველოს ბანკი ფოთის საჭადრაკო კლუბის მთავარი მხარდამჭერია

საქართველოს ბანკი ქმნის ინკლუზიურ საბანკო მომსახურებას