ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ აჭარის რეგიონში სტუმრობისას ქ.ქობულეთში სოფლის მეურნეობის სამინისტროს ააიპ აგრო-ცენტრი და ევროკავშირის პროექტის ENPARDI მიერ დაფინანსებული სასათბურე მეურნეობა დაათვალიერა.

 აჭარის რეგიონში ENPARDI-პროექტებს 2013 წლიდან გაეროს განვითარების პროგრამა ახორციელებს.
„მოვინახულეთ სამაგალითო სასათბურე მეურნეობა, რომელიც სოფლის მეურნეობის სამინისტროსა და ევროკავშირის პროექტის ფარგლებში გაეროს განვითარების პროგრამის ფარგლებში განხორციელდა, რომელიც ძალიან კონკრეტულად თავისი გათვლებით აძლევს საშუალებას სოფლის მეურნეობით დაინტერესებულ მოქალაქეებს გაეცნონ იმ პრაქტიკას, რაც არსებობს, გაითვალისწინონ და იმ პროგრამების ფარგლებში, რომლებიც აქვს სოფლის მეურნეობის სამინისტროს-იქნება ეს თანადაფინანსების პროგრამა, აწარმოე საქართველოში, დანერგე მომავალი, თუ სხვა პროგრამები, ააგონ თავისი წარმოება“-აღნიშნა სახელმწიფო მინისტრმა მეურნეობის დათვალიერების შემდეგ.
 აგრო-ცენტრში სტუმრობისას დავით ბაქრაძეს ევროკავშირის მოდელირებული ფორუმის მონაწილე სტუდენტები, კერძოდ, აგრარული კომიტეტის წევრები შეხვდნენ. დავით ბაქრაძემ მოდელირებული ფორუმის დელეგატებთან ასოცირების შეთანხმების სამოქმედო გეგმის ფარგლებში სოფლის მეურნეობისა და სურსათის უვნებლობის კუთხით დაგეგმილი რეფორმების შესახებ ისაუბრა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების საგარეო: რუსეთსა და ოკუპირებულ ცხინვალს შორის შეთანხმებაზე შეშფოთება გამოვთქვით

TI: „ქართული ოცნების“ დონორებთან დაკავშირებულმა კომპანიებმა 17.7 მილიონი ლარის ღირებულების სამთავრობო კონტრაქტები მიიღეს.

დაპორტირდი სელფიში და მიიღე ყველაფერი ულიმიტო 3 თვე სრულიად უფასოდ

ბაზისბანკის მხარდაჭერით საქართველოს ეკონომიკის ასოციაციის II საერთაშორისო კონფერენცია გაიმართა