საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის სოზარ სუბარის განცხადებით, ორი დღის წინ მომხდარი სტიქიის შედეგად, სენაკში, სამხედრო დასახლებში, მდებარე დევნილების კორპუსები დაზიანდა.

 მინისტრის განმარტებით, სახელმწიფო ორ პროგრამას განახორციელებს-ერთი ეს არის დაზიანებული კორპუსების აღდგენა, ხოლო მეორე იქ არსებული ჭაობის მთლიანად დაშრობა.

 „ორი დღის წინ, დასავლეთ საქართველოში სტიქიის მძვინვარების დროს, დაზიანდა სენაკში სამხედრო დასახლებაში დევნილების საცხოვრებელი სახლები. ეს არის საცხოვრებელი, რომელიც დაკანონებულია . ჩვენ გადავწყვიტეთ, რომ განვახორციელოთ პროგრამა- ყველა კორპუსს, 30-ზე მეტი კორპუსი დგას, ვუცვლით სახურავებს და იატაკებს იმ ადგილებში, სადაც დაზიანებულია. ეს არის მთლიანად ჭაობიანი ადგილი და ორ პროგრამას ვახორციელებთ, ერთი ნახევარმილიონიანი, რომელიც მიმდინარეობს და ოქტომბერში უნდა დამთავრდეს, რაც გულისხმობს დაზიანებული სახურავებისა და იატაკების გამოცვლას და მეორე, რომლის პროექტირებაც მთავრდება და დამთავრებისთანავე დავიწყებთ, დავაშროთ ეს ჭაობი, მილიონ ნახევარ ლარამდე დაჯდება ალბათ, რომ აქ ცხოვრება იყოს შესაძლებელი“,-განაცხადა სოზარ სუბარმა. მისივე განმარტებით, სტიქიის დროს, ასევე დაზიანდა სამი კორპუსი, რომელსაც რემონტის გამო გადახდილი ჰქონდათ სახურავები. „16 ოჯახის პირობები არის ძალიან მძიმე, მთლიანობაში 55 ოჯახი დაზიანდა. შპს „გილანი“, რომელსაც ჰქონდა ტენდერი მოგებული, იღებს პასუხისმგებლობას, რომ თავისი ხარჯებით, სახელწმიფოს ჩარაევის გარეშე, აღუდგინოს, რა დაზიანებაც მათ მიიღეს, თავისი ნივთებიანად, ხოლო 16 ოჯახი, რომლებიც განსაკუთრებით დაზარალდნენ, დროებით, მათი საცხოვრებელი ბინების აღდგენამდე გავიყვანთ ქირით“,-აღნიშნა სოზარ სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ოფიციალურად აცნობა კონგრესს ირანზე აშშ-ის საჰაერო დარტყმების განახლების შესახებ

უკრაინის პრემიერ-მინისტრმა სვირიდენკომ თანამდებობიდან გადადგომის შესახებ განცხადება დაწერა

თბილისის მერია ადასტურებს, რომ ე.წ. რიყის დოქების დემონტაჟის ნებართვა გაიცა

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ