თბილისის მერი ვაკის რაიონში, ყიფშიძის ქუჩაზე, II და IV კორპუსის მოსახლეობას შეხვდა და მიმდებარე ტერიტორიაზე სკვერის სარეაბილიტაციო სამუშაოებს გაეცნო. 

თბილისის მერიის ინფორმაციით, დავით ნარმანიამ მოადგილესთან, გიგა ნიკოლეიშვილთან და ვაკის რაიონის გამგებელთან, ნოდარ ტურძელაძესთან ერთად მოსახლეობის საჭიროებების შესახებ ინფორმაცია პირადად მოისმინა და სხვადასხვა საკითხის გადაჭრა შესაბამის სამსახურებს დაავალა.

მათივე ინფორმაციით, ყიფშიძის ქუჩაზე, II და IV კორპუსის მიმდებარე ტერიტორიაზე სკვერის სარეაბილიტაციო სამუშაოები ინტენსიურ რეჟიმში მიმდინარეობს, პროექტის ფარგლებში, აღნიშნულ მისამართზე მდებარე პარკი სრულად განახლდება, მოპირკეთდება ქვაფენილი ბილიკები, გამოიცვლება სარწყავი მილები, ფანჩატური, საქანელები, სკამები.

სარეაბილიტაციო სამუშაოებს შპს „არაგვი ბიზნეს ჯგუფი პლიუსი“ ახორციელებს და პროექტის ღირებულება 16 975 ლარია.

მიმდინარე წელს ვაკის რაიონში, საერთო ჯამში, 30-მდე სკვერის რეაბილიტაციაა დაგეგმილი.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times