თავდაცვის მინისტრი ლევან იზორია  აშშ-ს სახელმწიფო მდივნის ყოფილი მეორე მოადგილის მეთიუ ბრაიზას განცხადებას გამოეხმაურა, სადაც ის ამბობს, რომ  საქართველოს სწრაფვა ნატო-სკენ შენელებულია.

იზორიას თქმით, ნატო-ში გაწევრიანება საქართველოს  ეროვნული თვითმყოფადობის ამოცანაა, თუმცა არ უნდა იყოს მოლოდინი ყოველთვის  კონკრეტულ თარიღთან დაკავშირებული:

"ნატო-ში სწრაფვა არის ჩვენი ეროვნული თვითმყოფადობის ამოცანა. ახალი  ფორმულაც კი მივაწოდე საზოგადოებას, რომ ნუ იქნება მოლოდინი ყოველთვის  კონკრეტულ თარიღთან დაკავშირებული, არამედ ეს არის ჩვენი სასიცოცხლო ინტერესი, ჩვენი  თვითრეალიზებისა და  ეროვნული თვითგამოვლენის ამოცანა, რომ ვიყოთ ინტეგრირებული დასავლურ სამყაროში და ნატო არის ამ სამყაროს ერთი უმნიშვნელოვანესი  თავდაცვითი და პოლიტიკური მექანიზმი. ამიტომ ეს სწრაფვა უფრო  ურყევი და მტკიცე იქნება",-განაცხადა ლევან იზორიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ოფიციალურად აცნობა კონგრესს ირანზე აშშ-ის საჰაერო დარტყმების განახლების შესახებ

უკრაინის პრემიერ-მინისტრმა სვირიდენკომ თანამდებობიდან გადადგომის შესახებ განცხადება დაწერა

თბილისის მერია ადასტურებს, რომ ე.წ. რიყის დოქების დემონტაჟის ნებართვა გაიცა

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ