ძალიან არ მინდა, ეს ქორწინების ცნების განსაზღვრის საკითხი არჩევნებს დაუკავშირდეს, - ამის შესახებ პარლამენტის ვიცე-სპიკერმა მანანა კობახიძემ „ექპრესნიუსს“ პრემიერ-მინისტრის დღევანდელ განცხადებასთან დაკავშირებით განუცხადა, რომელმაც აღნიშნა: „ისეთი უმრავლესობით მოვალთ პარლამენტში, რომ აუცილებლად დავაფიქსირებთ ამ ცვლილებას კონსტიტუციაში.“

მისი თქმით, „ქართულმა ოცნებამ“ კანონში ქორწინების ცნების განსაზღვრის ინიციატივა არჩევნებამდე დიდი ხნით ადრე გააჟღერა.

„ამ ინიციატივას,  „რესპუბლიკელების“ გარდა, მხარს მაშინდელი კოალიციის ყველა პარტია უჭერდა. ჩვენ ამ ცვლილების ინიცირება პარლამენტში მოვახდინეთ, შესაბამისი კომისიაც შევქმენით, მთელი ქვეყნის მასშტაბით საერთო სახალხო განხილვები იყო, მაგრამ კვორუმი ვერ შედგა. სწორედ ეს თქვა პრემიერმა, რომ ჩვენი მიზანია, საკონსტიტუციო ცვლილება პარლამენტმა განახორციელოს. რეფერენდუმის შემდეგაც კი, კონსტიტუციაში ცვლილება პარლამენტმა უნდა განახორციელოს. ძალიან არ მინდა, ეს საკითხი არჩევნებს დაუკავშირდეს, რადგან შემდეგ ამ თემის არასწორი ინტერპრეტაცია ხდება. ამიტომ გავუსვი ხაზი, რომ ქორწინების ცნების განსაზღვრა ჯერ კიდევ 2014 წელს გვინდოდა. ჩვენ გვაქვს იმის რესურსი, რომ პარლამენტში უმრავლესობით მოვიდეთ და ეს ცვლილება განვახორციელოთ“, - განაცხადა მანანა კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times