ხვალიდან „მეტრო სითის“ მუშების საპროტესტო აქცია კვლავ გაგრძელდება

2016-07-31 12:29:20, 1273 ნახვა

სხვადასხვა

„ამ ეტაპზე არაფერი არ შეცვლილა და ჩვენი მოთხოვნები არავის გაუთვალისწინებია“,-ამის შესახებ კომპანია „მეტრო სითის“ ერთ-ერთმა მუშამ, აქციის ორგანიზატორმა ავთო აბრამიშვილმა „ექსპრესნიუსს“ განუცხადა.

მისივე განცხადებით, ისინი აქციას არ შეწყვეტენ მანამ, სანამ კომპანიის ხელმძღვანელები მათ პირობებს არ დააკმაყოფილებენ.

„ამ ეტაპზე არაფერი არ შეცვლილა. ჩვენი მოთხოვნები არავის არ გაუთვალისწინებია. წესით კვირა დღე დასვენების დღე უნდა ყოფილიყო, მაგრამ ჩვეულებრივი სამუსაო დღეა. სამუშაო დღე იწყება დილის 8:00 საათზე და საღამის 19:00 საათზე მთავრდება. ჯერჯერობით მხოლოდ კონდინციონერი დაგვიდგეს. ხვალ დილით ისევ ვაპირებთ შეკრებას და გაფიცვას. მოგეხსენებათ, სამსახურიდან გამათავისუფლების იმიტომ, რომ ორგანიზატორი ვიყავი. არ დავიშლებით და არ შევწყვეტთ გაპროტესტებას, სანამ ჩვენს მოთხოვნებს არ დააკმაყოფილებენ“,-განაცხადა აბრამიშვილმა.

შეგახსენებთ, რომ ბათუმის ბულვარში, რამოდენიმე დღის წინ "მეტრო სითის" 500-მდე მუშა გაიფიცა. ისინი, კომპანიაში პირობების გაუმჯობესებას ითხოვდნენ. როგორც მათ განაცხადეს, კომპანია მუშა ხელის უფლებებს არღვევს და მათ გაუსაძლის პირობებში ამუშავებს. გაფიცულთა ნაწილს, მას შემდეგ რაც 1 თვის ხელფასები ჩაერიცხათ, მუშაობა გააგრძელეს, ნაწილი კი ამ დრომდე გაფიცულია.