ის გარემოება, რომ საკონსტიტუციო სასამართლოს მოსამართლეებს სრული შემადგენლობით მთავარ პროკურატურატურაში გამოკითხვაზე სიარული უხდებათ მიანიშნებს სიტუაციის არაჯანსაღობაზე, - ამის შესახებ საკოსტიტუციო სასამართლოს მოსამართლემ კონსტანტინე ვარძელაშვილმა ჟურნალისტებს განუცხადა.

როგორც მოსამართლემ აღნიშნა, ის პროკურატურას მის ხელთ არსებულ ყველა ინფორმაციას გაუზიარებს.

„პროკურატურას გავუზიარებ იმ ინფორმაციას, რომელიც სრულად გამაჩნია მათ შორის ვისაუბრებ კონკრეტულ გვარებზე. ვადასტურებ, რომ ჩემს შემთხვევაში არ არსებობს რაიმე გარრემოება, რომელიც მე გადაწყვეტილების მიღებაში დამაბრკოლებდა. არ ვიცი პროკურატურას დღეს რა ინფორმაცია გააჩნია თუმცა რაც მაქვს და მიზანშეწონილად მიმაჩნია პროკურატურას გავუზიარებ. აღნიშნული დეტალების შესახებ ვიცი ჩემი კოლეგებისგან და მათ შორის იმ კონკრეტული მოსამართლისგან“, - განაცხადა კონსტანტინე ვარძელაშვილმა. ჟურნალისტის კითხვაზე ხორციელდება თუ არა მასზე ზეწოლა, მოსამართლემ აღნიშნა, რომ ამ კითხვაზე პასუხს არ გასცემს. თუმცა, მისივე თქმით, „ეს არ უნდა იყოს აღქმული როგორც არაპირდაპირი მინიშნება იმაზე, რომ მასზე ზეწოლა ხორციელდება“.

„ვენდობი იმ პროფესიონალებს, რომლებიც აქ მუშაობენ და დარწმუნებული ვარ თუ იქნება შესაბამისი პოლიტიკური ნება, ყველა კითხვას პასუხი გაეცემა“, - განაცხადა ვარძელაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

2026 წლის მსოფლიო ჩემპიონატის სკანდალი: როგორ გააუქმა ტრამპმა წითელი ბარათი

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს

„როსატომმა“ კურსკის ატომურ ელექტროსადგურზე დრონებით თავდასხმის შესახებ განაცხადა