საპარლამენტო უმრავლესობის წევრი ზაქარია ქუცნაშვილი „ქართული ოცნების“ მიერ ქუთაისის მაჟორიტარი დეპუტატობის კანდიდატად კობა ნარჩემაშვილის წარდგენას ეხმაურება.

როგორც ქუცნაშვილმა „ექსპრენიუსს“ განუცხადა, ნარჩემაშვილი ის ადამიანია, ვინც კრიტიკულ მომენტში ხალხს საფრთხე აარიდა და მისი კანდიდატურა აბსოლუტურად მისაღებია.

 „კობა ნარჩემაშვილის მაჟორიტარ დეპუტატად წარდგენას, რამოდენიმე მიზეზის გამო, დადებითად შევაფასებდი. პირველ რიგში, თავად პრემიერმაც ბრძანა, რომ ნარჩემაშვილმა კრიტიკულ მომენტში ხალხს საფრთხე აარიდა და სწორი გადაწყვეტილება მიიღო. მეორე მიზეზი არის ის, რომ მე ძალიან დიდ პატივს ვცემ ერთგულ ადამიანებს - კობამ ერთგულების ტესტი ყველაზე მნიშვნელოვან მომენტში ღირსეულად ჩააბარა. გარდა ამისა, კობა ძალიან კარგი სისხლის სამართლის სპეციალისტია. ეს სამი მიზეზი საკმარისია ამ პიროვნების დადებითად შესაფასებლად. ასევე, ნარჩემაშვილი ჩვენი პარტნიორი პარტიის სოციალ-დემოკრატიული პარტიის წევრია“, - განაცხადა ქუცნაშვილმა.

ამასთან, დეპუტატი მმართველი გუნდის მიერ კადრების განახლებას მიესალმება და აცხადებს, რომ ამის გარეშე პროგრესის მიღწევა შეუძლებელია.

„ზოგადად, მე ვფიქრობ, რომ პარტიის განახლება ნორმალური პროცესია. განახლების გარეშე პროგრესს ვერ მივაღწევთ. აქ, უბრალოდ, დაცული უნდა იყოს ის, რომ გუნდის არც ერთი წევრი პროცესებს მიღმა არ დარჩეს. არსებობს საგურამოს შეთანხმება, რომლის თანახმადაც, გუნდის ყველა წევრს მისთვის შესაფერისი ადგილი უნდა მოეძებნოს. ამ პირობის მიმცემი საქართველოს ორი ყოფილი და ერთი მოქმედი პრემიერი იყო“, - განაცხადა ზაქარია ქუცნაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის რეგიონში დრონით განხორციელებული თავდასხმის შედეგად სამი ადამიანი დაიღუპა

Axios: გარდაცვალებამდე ლინდსი გრემმა განაცხადა, რომ რუსეთის წინააღმდეგ სანქციების დაწესებას აპირებდა

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა