სოფლის მეურნეობის მინისტრი ოთარ დანელია მოლდოვის რესპუბლიკის საგანგებო და სრულუფლებიან ელჩს  (რეზიდენციით ბაქოში) გეორგ ლეუკას შეხვდა.

სოფლის მეურნეობის სამინისტროს ინფორმაციით, შეხვედრაზე ორ ქვეყანას შორის სოფლის მეურნეობის მიმართულებით თანამშრომლობის საკითხები განიხილეს და სავაჭრო-ეკონომიკური ურთიერთობების გააქტიურების საკითხებზე იმსჯელეს.

უწყების ცნობით, მხარეები მზადყოფნას გამოთქვამს შეიქმნას საქართველოსა და მოლდოვის რესპუბლიკის სამთავრობოთაშორისო თანამშრომლობის ეკონომიკური კომისია, რაც მნიშვნელოვნად შეუწყობს ხელს ორ ქვეყანას შორის სავაჭრო ურთიერთობების გააქტიურებას.

შეხვედრაზე მხარეებმა ორ ქვეყანას შორის სასოფლო-სამეურნეო კოოპერატივების განვითარების, მეღვინეობის, გეოგრაფიული აღნიშვნების და ადგილწარმოშობის დასახელების პროდუცქციის დაცვის, სეტყვის საწინააღმდეგო სისტემის დანერგვის, სამეცნიერო-კვლევითი საქმიანობის  მიმართულებით თანამშრომლობასა და გამოცდილების გაზიარების მნიშვნელობაზე ისაუბრეს.

სოფლის მეურნეობის მინისტრმა, ოთარ დანელიამ აღნიშნა, რომ საქართველოსთვის მნიშვნელოვანია ევროკავშირთან ასოცირების შესახებ შეთანხმებით ნაკისრი ვალდებულებების განხორციელების კუთხით მოლდოვას გამოცდილების გაზიარება, ასევე ერთობლივი ინიციატივების შემუშავება, აგროსასურსათო სექტორში ინვესტიციების მოზიდვა და ერთობლივი პროექტების განხორციელება.

მოლდოვის რესპუბლიკის ელჩთან გამართულ შეხვედრას სოფლის მეურნეობის მინისტრის პირველი მოადგილე ნოდარ კერესელიძე ესწრებოდა.

NS

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის