საგარეო საქმეთა მინისტრის მოადგილე დავით ზალკალიანი აშშ-ში საქართველოს ელჩის არჩილ გეგეშიძის განცხადებას გამოეხმაურა და აღნიშნა, რომ „სანამ სრული სურათი“ არ იქნება, დასკვნების გამოტანა ნაადრევია.

როგორც ზალკალიანმა აღნიშნა, ელჩის განცხადებაზე  ყველა შემთხვევაში შესაბამისი რეაგირება იქნება.

„დღეს ჩვენ მთელი დღის განმავლობაში ვართ ჩართული ძალიან მნიშვნელოვანი ვიზიტის მიმდინარეობაში. ამიტომ,  დღეს ჩვენ არ გვქონია შესაძლებლობა ელჩთან გვესაუბრა. ბუნებრივია, უახლოეს დღეებში გვექნება მასთან გასაუბრების საშუალება. ჩვენც გვაინტერესებს თუ რამდენად შეესაბამება რეალობას ის განცხადებები, რომელიც გაჟღერდა. ამიტომ, ვფიქრობ, რომ ჯერჯერობით ნაადრევი გადაწყვეტილების მიღება,  სანამ სრული სურათი არ გვეცოდინება, ასევე ელჩის მხრიდან უშუალოდ არ მოვისმენთნ თუ რასთან გვაქვს საქმე, ეს არის მისი განცხადება თუ ჟურნალისტის ინტერპრეტაცია.  ვფიქრობ, ნაადრევია რაიმე დასკვნების გაკეთება. ელჩთან ჩვენ აუცილებლად გვექნება საუბარი, თუ რამდენად შეესაბამება სიმართლეს ის განცხადება, რომელიც  გავრცელებული იყო.  ყველა შემთხვევაში ჩვენ გვექნება შესაბამისი რეაგირება, თუმცა დღეს მე გამიჭირდება ვთქვა  რა რეაგირება იქნება ამასთან დაკავშირებით“,-განაცხადა დავით ზალკალიანმა.

ცნობისთვის, არჩილ გეგეშიძემ განაცხადა, რომ მმართველ გუნდში პრორუსული ძალები არიან, რომლებიც გადაწყვეტილების მიმღებ პროცესზე არ მოქმედებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის