ავღანეთის ისლამურ რესპუბლიკაში, ბაგრამის საავიაციო ბაზაზე ქართულ ჭიდაობაში შეჯიბრება ჩატარდა.

თავდაცვის სამინისტროს ინფორმაციით, სპორტული ღონისძიება საქართველოს ტერიტორიული მთლიანობისთვის ბრძოლებსა და საერთაშორისო სამშვიდობო მისიის დროს გარდაცვლილი სამხედროების ხსოვნას მიეძღვნა. შეჯიბრებაში საქართველოს შეიარაღებული ძალების V ქვეითი ბრიგადის 52-ე ბატალიონისა და ეროვნული გვარდიის სამხედროები მონაწილეობდნენ. ასპარეზობა ოთხ წონით კატეგორიაში გაიმართა.

60 კილოგრამ წონით კატეგორიაში პირველი ადგილი უმცროსმა სერჟანტმა ადიკო ზექალაშვილმა აიღო; 70 კილოგრამ წონით კატეგორიაში - I კლასის რიგითმა სიმონ ქოქოშვილმა; 80 კილოგრამ წონით კატეგორიაში I კლასის რიგითმა დავით ნოზაძემ გაიმარჯვა, ხოლო, 90 კილოგრამ წონით კატეგორიაში კაპრალმა გიორგი იმერლიშვილმა.

გამარჯვებულებს სამახსოვრო საჩუქრები გადაეცათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის წარმომადგენელი კირიენკო აფხაზეთში ჩავიდა, მან აფხაზი სეპარატისტების მემორიალი შეამკო

კიევზე რუსული საჰაერო დარტყმის შედეგად დაღუპულთა რიცხვი 13-მდე გაიზარდა

კუსტარული ნარკოლაბორატორია აღმოვაჩინეთ, ამოღებულია 7 კგ-მდე ნარკოტიკი - შსს [VIDEO]

უკრაინამ ნიჟნი ნოვგოროდის ოლქში ნავთობგადამამუშავებელ ქარხანას დაბომბა, რომელიც მოსკოვს საწვავით ამარაგებს