მთავრობის დღევანდელ სხდომაზე „ტურისტულად მნიშვნელოვანი კულტურული და სხვა ღონისძიებების დაგეგმვის საბჭოს შექმნისა და მისი დებულების დამტკიცების შესახებ“ დადგენილების პროექტს განიხილავენ.

პრემიერ-მინისტრმა გიორგი კვირიკაშვილმა საბჭოს შემადგენლობაზე და მისი შექმნის მიზეზებზე კიდევ ერთხელ ისაუბრა: „ჩვენ ძალიან დიდი ყურადღებას ვუთმობთ ჩვენი ქვეყნის პრომოციას- როგორ ქვეყნის ფარგლებს გარეთ, ისე შიგნით არაერთი მნიშვნელოვანი ღონისძიება დაფინანსდა სახელწმიფო ბიუჯეტიდან. ამ პროცესის კიდევ უფრო დახვეწისა და კერძო სექტორის ჩართულობის მიზნით, იქმნება საბჭო, რომელშიც შევლენ როგორც მთავრობის, ასევე ბიზნესის წარმომადგენლები, მსხვილი ტურისტული კომპანიების, სასტუმროების ქსელების-კერძო ორგანიზაციების წარმომადგენლები და მათთან ერთად მოხდება სახელმწიფო ბიუჯეტირების პროცესის პარალელურად მომავალი წლის კალენდარის განსაზღვრა და დასაფინანსებელი ღონისძიებების პრიორიტეტების განსაზღვრა.

ძალიან მნიშვნელოვანია, ამ საბჭომ იმუშაოს ეფექტიანი ინსტიტუციური მექანიზმის შექმნის მიმართულებითაც. სავარადუდ, შეიქმნება არასამეწარმეო იურიდიული პირი, რომელიც არ უნდა იყოს მომგებიანი ორგანიზაცია, სადაც სახელმწიფო კერძო სექტორის თანამონაწილეობით, განახორციელებს ასეთი ტიპის პროექტებს და ვფიქრობთ, ძალიან მნიშვნელოვანია, წინასწარ იცოდნენ, როგორც სასტუმრო ქსელებმა, ასევე ტურისტებმა, თუ რა კალენდარი იქნება ჩვენს ქევყანაში ამ მიმართულებით, რათა მათ დაგეგმონ საკუთარი აქტივობები და ასევე ტურიზმის ადმინისტრაციამ დაგეგმოს მნიშვნელოვანი აქტივობები, რათა ხელი შეუწყოს ასეთი ტიპის გასართობ, თუ სხვა ღონისძიებებს, კულტურტულ ღონისძიებებს. გამოიკვეთა ხარვეზები და ვფიქრობღთ, მთელი ამ პროცესის დახვეწისათვის, ამ პროცესში სახელმწიფოსათან ერთად, კერძო სექტორის ჩართულობა ძალიან კარგი იქნება “, - განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა