საქართველოს პრემიერ-მინისტრ გიორგი კვირიკაშვილის განცხადებით, საქართველოში პირდაპირი უცხოური ინვესტიციები საგრძნობლად მატულობს.

მისივე შეფასებით, აღნიშნული ფაქტი ქვეყანაში არსებულ სტაბილურობაზე და გაუმჯობესებულ ბიზნეს-გარემოზე მიუთითებს.

„პირველ კვარტალში იყო უპრეცედენტო ზრდა პირდაპირი უცხოური ინვესტიციების, რეკორდული მაჩვენებელი დაფიქსირდა 2008 წლის შემდეგ, 376 მილიონი დოლარი, ეს არის მართლაც სასიხარულო რიცხვი, აქედან ტრანსპორტი და კავშირგაბმულობა არის პირველ ადგილზე, საფინანსო სექტორი, შემდეგ უკვე მოდის ენერგეტიკის სექტორი და პირველი ინვესტორი ქვეყანა დაფიქსირდა აზერბაიჯანი, მეორე ადგილზეა თურქეთი, ხოლო მესამე ადგილს გაერთიანებული სამეფო იკავებს და ძალიან სასიხარულოა, რომ შეინიშნება ასეთი მართლაც და მნიშვნელოვანი მატება პირდაპირი უცხოური ინვესტიციების. რაც ბევრ რამეზე მიუთითებს-სტაბილურობაზე, გაუმჯობესებულ ბიზნეს-გარემოზე, ინვესტორების მხრიდან საქართველოს, როგორც კარგი საინვესტიციო მიმართულების ჩამოყალიბებაზე და დანახვაზე, ასევე,რა თქმა უნდა, ეკონომიკური გუნდის და ბლოკის ძალიან კარგად მუშაობაზე, რაც ვფიქრობთ,რომ სასიხარულოა”,-განაცხადა გიორგი კვირიკაშვილმა მთავრობის დღევანდელ სხდომაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა

ანაკლიის პორტს სახელმწიფო ააშენებს - მთავრობამ პროექტის მოდელი შეცვალა

Politico: ნატოს ქვეყნები რუსეთთან ომის შემთხვევაში თავდაცვას აძლიერებენ

ირანი საზოგადოებრივი აზრის გასაკონტროლებლად ხამენეის დაკრძალვის გაშუქების ერთიან წესებს აწესებს