„ნაციონალური მოძრაობა“ ბოიკოტის რეჟიმს აგრძელებს. უმცირესობის წევრები პარლამენტში მისვლას ისევ არ გეგმავენ, - ამის შესახებ „ექსპრესნიუსს“ პარტიის ერთ-ერთმა ლიდერმა სერგო რატიანმა განუცხადა.

დეპუტატი აცხადებს, რომ ბოიკოტს მხოლოდ იმ შემთხვევაში შეწყვეტენ, თუ ე.წ. გერმანული მოდელის მიღებისთვის მათი ხმები გახდება საჭირო. პოზიციის დასაფიქსირებლად კი საპარლამენტო სხდომებზე მისვლას არ აპირებენ.

„არ გვინდა, რომ შევიდეთ სხდომაზე, დავაფიქსიროთ ჩვენი პოზიცია და უმცირესობაში ვიყოთ. ასეთ შემთხვევაში არ ვაპირებთ პარლამენტში მისვლას. ჩვენ შედეგზე ვართ ორიენტირებული. ამ ეტაპზე სხდომაზე მისვლას არანაირი აზრი არ აქვს“, - აღნიშნა რატიანმა.

კითხვაზე აპირებენ თუ არა სხდომაზე მისვლას იმ შემთხვევაში თუ მათი ხმები გადამწყვეტი გახდება პასუხობს, რომ ასეთ ვითარებაში პარლამენტში მივლენ. იგი არ იზიარებს პოზიციას, თითქოს ე.წ. გერმანული მოდელის განხილვა მათი არყოფნის გამო ჩაიშალა. აღნიშნულზე პასუხისმგებლობას საპარლამენტო უმრავლესობას აკისრებს.

„იმ შემთხვევაში თუ ჩვენი ხმები გახდება საჭირო პარლამენტში მივალთ. ჩვენ კონსულტაციის რეჟიმში ვართ.

უმრავლესობას არ აქვს თავი და უნარი, რომ ნორმალური სხდომა ჩაატაროს, რათა ნორმალური საპარლამენტო ცხოვრება იყოს. ისინი მოდიან მხოლოდ იმისთვის და იმ შემთხვევაში, როცა ეს სჭირდება ბიძინა ივანიშვილს. როცა ამის საჭიროება არაა კონსულტაცია ჭირს და როგორც ჩანს ახლაც ამასთან გვქონდა საქმე“, - განუცხადა სერგო რატიანმა „ექსპრესნიუსს“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა