ვიცე- პრემიერ კახი კალაძეს იმედი აქვს, ქართველები ევროკავშირში უვიზოდ მიმოსვლას მალე შეძლებენ.

როგორც კალაძემ ჟურნალისტებს განუცხადა,  საქართველომ ვიზალიბერალიზაციის პროცესში ყველა დავალება შეასრულა.

"გადაწყვეტილება მიღებული არ არის, დაველოდოთ. თუმცა, წინასწარი მონაცემებით ვიცით, რომ საფრანგეთი და გერმანია თავს იკავებს. დაველოდოთ გადაწყვეტილებას, მაგრამ უნდა ითქვას, რომ საქართველომ ყველაფერი გააკეთა, რათა ჩვენს მოქალაქეებს ევროკავშირის ქვეყნებში უვიზო მიმოსვლა შეეძლოთ. ყველა რეფორმა განხორციელდა. გადაწყვეტილება ჩვენზე არ არის დამოკიდებული. საბოლოოდ, დარწმუნებული ვარ, საქართველოს მოქალაქეები  ევროპაში ვიზის გარეშე მოგზაურობას შეძლებენ  და ჩვენ შევძლებთ გავხდეთ იმ დიდი ოჯახის წევრი, რომელსაც ევროკავშირი ჰქვია", - განაცხადა კალაძემ. 

შეგახსენებთ, რომ გერმანული გამოცემა BILD-ის ინფორმაციით, იმის გამო, რომ ქვეყანაში ჩასულ სხვადასხვა ერს შორის კრიმინალური ქმედებების რაოდენობით ქართველები ლიდერობენ, ევროკავშირი საქართველოსთვის ვიზალიბერალიზაციის მინიჭებით დიდ თავის ტკივილს გაიჩენს. 

ცნობისათვის, გუშინ, ბრიუსელში, ევროკავშირის ელჩების შეხვედრა გაიმართა, თუმცა საბოლოო გადაწყვეტილების მიღება კვლავ ვერ მოხერხდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს