ბათუმში, საზაფხულო თეატრში, შვედეთის გარემოს დაცვის დღეებისადმი  მიძღვნილი ღონისძიება გაიხსნა.

ღონისძიებას აჭარის ავტონომიური რესპუბლიკის მთავრობის თავმჯდომარე  არჩილ ხაბაძე, საქართველოს  გარემოსა და ბუნებრივი რესურსების დაცვის მინისტრი  გიგლა აგულაშვილი, შვედეთის ელჩი საქართველოსა და სომხეთში მარტინა ქვიქი, ბათუმის მერი  გიორგი ერმაკოვი, მთავრობის და დიპლომატიური კორპუსის, არასამთავრობო და სამოქალაქო სექტორის წარმომადგენლები დაესწრნენ.

აჭარის მთავრობის ადმინისტრაციის პრესსამსახურის ინფორმაციით, ღონისძიების ფარგლებში საზაფხულო თეატრის ფოიეში მოეწყო გამოფენა თემაზე  ,,კლიმატის ცვლილებების პირისპირ". შვედმა და  ქართველმა კარიკატურისტებმა კლიმატის ცვლილების შესახებ ნამუშევრები წარმოადგინეს.

„ჩვენთვის უაღრესად მნიშვნელოვანი და სასიხარულო ფაქტია, რომ დღეს ბათუმში, ,,გარემო ევროპისათვის'' მინისტერიალის პარალელურად, შვედეთის გარემოს დაცვისადმი მიძღვნილ დღეებს ვესწრებით. მიხარია, რომ ბათუმი მასპინძლობს გამოფენას, რომელმაც მსოფლიოს 23 ქვეყანა მოიარა და შვედ მხატვარ-კარიკატურისტებთან ერთად მასში ქართველი ხელოვანებიც მონაწილეობენ. მსგავსი პროექტების განხორციელება დადებითი გამოცდილებაა გარემოს დაცვის მიზნით ცნობიერების ამაღლებისა და პოპულარიზაციის საქმეში.

აჭარის რეგიონი გარემოს გაუმჯობესების მიზნით სხვადასხვა საერთაშორისო ორგანიზაციის მხარდაჭერით ჩართულია არაერთ მნიშვნელოვან პროექტში. ჩვენი მთავრობის პირობებში განსაკუთრებული ყურადრება დაეთმო აჭარის ბუნებრივი ეკოსისტემების მდგომარეობის განხილვას, კლიმატის მიმდინარე ცვლილებების მათზე ზემოქმედების დადგენას და უახლოეს ათწლეულებში კლიმატის მოსალოდნელი ცვლილებების სავარაუდო გავლენის შეფასებას. ამ მიზნით შემუშავებულია აჭარის კლიმატის ცვლილებების სტრატეგია, რომელიც უკვე იქცა მთავარ სახელმძღვანელოდ რეგიონში გარემოს დაცვის მიზნით პროგრამების შემუშავებისა და განხორციელების საქმეში“, -აღნიშნა არჩილ ხაბაძემ.

სამდღიანი პროექტის ფარგლებში დაგეგმილია ვორქშოფები, სემინარები და აქტივობები ახალგაზრდებისთვის. ხვალ, 8 ივნისს ბათუმის სანდასუფთავების სამსახურთან ერთად მოეწყობა აქცია ,,დავასუფთაოთ საქართველო". 9 ივნისს კი შოთა რუსთაველის სახელობის სახელმწიფო უნივერსიტეტის წინ მდებარე მოედანზე ამავე სახელწოდების ფლეშ მობი გაიმართება .

საქართველოში შვედეთის გარემოს დაცვის დღეები შვედეთის საელჩოს, გარემოს და ბუნებრივი  რესურსების დაცვის სამინისტროს, ბათუმის მერიის, შვედური ინსტიტუტისა და შოთა რუსთაველის სახელობის უნივერსიტეტის ორგანიზებით ხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა