აზერბაიჯანის დიასპორის საკითხთა კომიტეტის ორგანიზებით, 3-4 ივნისს ბაქოში  მსოფლიო აზერბაიჯანელთა მე-4 ყრილობა ჩატარდა, სადაც 49 ქვეყნიდან 500-ზე მეტი პირი იყო მიწვეული.
 საქართველო წარმოდგენილი იყო 30 კაციანი დელეგაციით, რომელთა შორისაც იყვნენ ალი ბადიროვი - საქართველოს აზერბაიჯანელ იურისტთა ასოციაციის თავმჯდომარე და საქართველოს პარლამენტის წევრები: ალი მამედოვი, აზერ სულეიმანოვი და მახირ დარზიევი.

ალი ბადიროვის განცხადებით, აღნიშნული ყრილობა 5 წელიწადში ერთხელ ტარდება, რომელსაც აქვს ფორმალური ხასიათი და მიზნად ისახავს იმას, რომ ეთნიკურმა აზერბაიჯანელებმა არ გაწყვიტონ ურთიერთობა აზერბაიჯანთან, რომელიც თანამემამულეებს ეხმარება ასევე საზოგადოებასთან ინტეგრაციაში იმ სახელმწიფოებში, სადაც ისინი წარმოადგენენ ეთნიკურ უმცირესობას.
აღნიშნულ ღონისძიებას პოლიტიკოსები, ექსპერტები, საზოგადო მოღვაწეები, საჯარო და არასამთავრობო სექტორის წარმომადგენლები ესწრებოდნენ.

პირველად ეს ღონისძიება 2001 წელს ჰეიდარ ალიევის ინიციატივითა და ხელმძღვანელობით ჩატარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა