მტკვარში გადამხტარი მამაკაცი ექსტრემალი აღმოჩნდა

2016-06-01 12:32:45, 728 ნახვა

საზოგადოება

რუსთავში, მდინარე მტკვარში მამაკაცი გადახტა. თუმცა, როგორც გაირკვა, ის მოყვარული ექსტრემალია და მსგავსი სიმაღლიდან რამდენჯერმე გადამხტარა.

შინაგან საქმეთა სამინისტროს ინფორმაციით, მამაკაცი თავს ჯანმრთელად გრძნობს:

"როგორც გაირკვა, ეს მამაკაცი არის მოყვარული ექსტრემალი და ექსტრემისტები ხომ ხტებიან ხოლმე სიმაღლეებიდან, ამიტომ გადახტა, თავად ასე ამბობს. არის ჯანმრთელად და ყველაფერი კარგადაა. მამაკაცის თქმით, ასეთი რამ რამდენჯერმე გაუკეთებია, რადგან მოყვარული ექსტრემალი ვარო. ვინაიდან რუსთავში მტკვარში ქალი გადახტა და ეძებენ, რომ დაინახეს მამაკაცი ხტებოდა, ვიღაცამ შეშინებულმა დარეკა სამაშველო სამსახურში. რა თქმა უნდა, საპატრულოც და სამაშველოც მივიდა,მაგრამ როგორც აღვნიშნე, მამაკაცი მოყვარული ექსტრემალი აღმოჩნდა. პირველ შემთხვევასთან, ანუ ქალის გადახტომასთან ამ ამბავს კავშირი არ აქვს",-განუცხადეს "ექსპრესნიუსს" შსს-ში.

მათივე ინფორმაციით, გამოძიების დაწყების საფუძველი არ არსებობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან