„მოძრაობა - სახელმწიფო ხალხისთვის“ დღეს, თბილისში პირველ ყრილობას გამართავს.

ახალი პარტია პოლიტიკურ სივრცეში ახალი სახეებით შევა. მათი ვინაობა დღეს ყრილობაზე გახდება ცნობილი.

როგორც „მოძრაობა - სახელმწიფო ხალხისთვის“ ლიდერმა პაატა ბურჭულაძემ განაცხადა, მოახლოებული საპარლამენტო არჩევნები და ქვეყნის გამოყვანა არსებული პოლიტიკურ-ეკონომიკური კრიზისიდან პარტიის სამომავლო გეგმის ნაწილია.

მისივე თქმით, „სახელმწიფო ხალხისთვის“ ამომრჩევლებამდე მკვეთრი საგარეო პოლიტიკური კურსით მივა, რომლის მთავარი მიზანი დასავლური ორიენტაცია და დეოკუპაციისთვის მშვიდობიანი მოლაპარაკებები იქნება.

ახალი მოძრაობა სხვა პოლიტიკურ პარტიასთან გაერთიანებას, მათ შორის არც წინასაარჩევნოდ არ გეგმავს.

ცნობისთვის, ყრილობა დღეს ახალ „სპორტის სასახლეში“ 14:30 საათზე დაიწყება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის