ჩინეთის სახალხო რესპუბლიკაში საქართველოს საელჩოს ორგანიზებით, საქართველოს დამოუკიდებლობის აღდგენის 25 წლისთავის აღსანიშნავი მიღება გაიმართა.

საგარეო საქმეთა სამინისტროს ინფორმაციით, საქართველოს საგანგებო და სრულუფლებიანმა ელჩმა ჩინეთის სახალხო რესპუბლიკაში დავით აფციაურმა და ჩინეთის საგარეო საქმეთა მინისტრის მოადგილემ ციან ხუნგშანმა დამსწრე საზოგადოებას მისასალმებელი სიტყვით მიმართეს.

საქართველოს ელჩმა დამოუკიდებლობის აღდგენის პერიოდიდან საქართველოს განვითარების ძირითად მიღწევებზე ისაუბრა, ხაზი გაუსვა ჩინეთის სახელმწიფოსთან ურთიერთობის განვითარების კუთხით მიმდინარე პოზიტიურ დინამიკას და საქართველოს ტერიტორიული მთლიანობის აღდგენის აუცილებლობას.

საქართველოს დამოუკიდებლობის აღდენის 25 წლისთავთან დაკავშირებით  „აბრეშუმის გზის კომერციული პალატის" გენერალურმა მდივანმა ელჩს  ცნობილი ჩინელი მოქანდაკის," იუნესკოს მშვიდობისათვის მხატვრის"  სკულპტურა გადასცა.

მიღების ფარგლებში, საქართველოს დამოუკიდებლობის აღდენის 25 წლისთავთან დაკავშირებით ასევე გაიმართა ფოტო -გამოფენა.

ღონისძიებას დაესწრნენ ჩინეთის სახელმწიფო სტრუქტურების, ჩინეთში აკრედიტებული დიპლომატიური მისიების, რეგიონების, სამეცნიერო და ბიზნესის სფეროსა და მასმედიის წარმომადგენლები, ჩინეთში მცხოვრები ქართული დიასპორის წევრები და ქართველი სტუდენტები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა