თბილისს საოკუპაციო ხაზის გასწვრივ მცხოვრები ბავშვები ესტუმრებიან

2016-05-26 09:29:08, 665 ნახვა

საზოგადოება

საქართველოს საგარეო საქმეთა სამინისტროს ინიციატივით, დამოუკიდებლობის აღდგენის 25 წლისთავთან დაკავშირებულ ღონისძიებებზე დასასწრებად დედაქალაქს შიდა ქართლის რეგიონში, საოკუპაციო ხაზის გასწვრივ მდებარე სოფლებში მცხოვრები ბავშვები ესტუმრებიან.

უწყების ინფორმაციით, ბავშვები ბერშუეთი, დიცი, ტირძნისი, პატარა მეჯვრისხევი და წითელუბნის სოფლებიდან ჩამოვლენ. ისინი, ფიცის დადების საზეიმო ცერემონიას დაესწრებიან, რის შემდეგაც მინისტრთან ერთად რუსთაველის გამზირზე გაისეირნებენ და 26 მაისთან დაკავშირებულ საზეიმო ღონისძიებებში ჩაერთვებიან.

საგარეო საქმეთა სამინისტრო შიდა ქართლის რეგიონში, საოკუპაციო ხაზის გასწვრივ მდებარე სოფლებში მცხოვრები პატარებისთვის სისტემატიურად სხვადასხვა სახის ღონისძიებებს აწყობს და ამჯერადაც მათთან ერთად 26 მაისის დღესასწაულს აღნიშნავს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან