აჭარის ა/რ ჯანმრთელობისა და სოციალური დაცვის სამინისტრომ თემის სამედიცინო პუნქტებს პირველადი სამედიცინო დახმარების მედიკამენტები, გლუკომეტრის აპარატები, გლუკომეტრის ტესტ-ჩხირები და წნევის საზომ აპარატები გადასცა.

სამინისტროს ცნობით, მედიკამენტების და სადიაგნოსტიკო საშუალებების გადაცემა „სოფლის მოსახლეობის ექიმამდელი სამედიცინო დახმარების“ პროგრამის ფარგლებში ხორციელდება.

ხულოს მუნიციპალიტეტში მედიკამენტებსა და სადიაგნოსტიკო საშუალებები 46 თემის სამედიცინო პუნქტმა, ხოლო შუახევის მუნიციპალიტეტში 39 თემის სამედიცინო პუნქტმა მიიღო.

მიმდინარე წელს, სოფლის მოსახლეობის ექიმამდელი სამედიცინო დახმარების პროგრამის ბიუჯეტი 783 400 ლარს შეადგენს.

პროგრამით ასევე გათვალისწინებულია თემის სამედიცინო პუნქტების მედდების ხელფასით უზრუნველყოფა.

პროგრამის ფარგლებში, აჭარის სოფლის მოსახლეობას, ექიმამდელ სამედიცინო დახმარებას 230 მედდა აწვდის. 2016 წლის I კვარტლის მონაცემებით სამედიცინო მომსახურება გაეწია 35 638 სოფლის მცხოვრებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა

შსს მალანიაზე: ჰქონდა ინფორმაცია ავალიანზე თავდასხმაზე და პოლიციას არ შეატყობინა