„ნაციონალური მოძრაობის" ერთ-ერთი ლიდერი გიგა ბოკერია „ქართული ოცნების" მხარდამჭერების გამოწვევას ცდილობდა- ამის შესახებ ჟურნალისტებს „ქართული ოცნება-დემოკრატიული საქართველოს" აღმასრულებელმა მდივანმა ირაკლი კობახიძემ განუცხადა.

კობახიძის თქმით,  წყალტუბოს ერთ-ერთ საარჩევნო უბანთან მობილიზებულები არიან ერთგვარი ზონდერ ჯგუფის წარმომადგენლებიც, რომლებიც, მათი ინფორმაციით, ერთ-ერთი მეზობელი რაიონიდან არიან ჩამოყვანილები.

ამასთან, ირაკლი კობახიძემ აღნიშნა ისიც,"ნაციონალური მოძრაობის" ლიდერები „თავისუფალი ზონის" წევრებთან ერთად გარდაბანში დადგმული სპექტაკლის გამეორებას ცდილობენ.

„თქვენ იცით, რომ გარდაბანში ისინი ძალიან დიდი სხვაობით აგებდნენ არჩევნებს და იმისათვის, რომ შეეფუთად ეს ყველაფერი, დადგეს სპექტაკლი „თავისუფალი ზონის" მონაწილეობით.  

ველოდებით, რომ ასეთივე სპექტაკლები დადგან იმისათვის, რათა ფონი გააფუჭონ, მაგრამ ეს საერთო სურათს მაინც ვერ შეცვლის. საერთო სურათი იქნება ის, რომ „ნაციონალური მოძრაობა" მიიღებს საკადრის პასუხს მოსახლეობისგან და ჩვენ მივიღებთ ჩვენს ღირსეულ შედეგს ამ არჩევნებში",-დასძინა კობახიძემ.

ამასთან, ირაკლი კობახიძემ  დასძინა,  რომ „ქართული ოცნება" 22 მაისის არჩევნებში დამაჯერებლად გაიმარჯვებს.

 „ მათ შორის წყალტუბოს არჩევნებს მოვიგებთ დიდი უპირატესობით. ეს არის ჩვენი  მოსახლეობის იმ ხარდაჭერისა და თანადგომის შედეგი, რაზეც შეგვიძლია თამამად ვისაუბროთ",-აღნიშნა პარტიის აღმასრულებელმა მდივანმა.

 კობახიძე ამომრჩევლების მოსყიდვასთან დაკავშირებით ოპონენტების მიერ გავრცელებულ ვიდეოსაც გამოეხმაურა.

  „მე თვითონ ვნახე ის ვიდეო, რომელზეც არის საუბარი. ეს არის უბრალოდ ღიმილის მომგვრელი. ესეც არის ერთ-ერთი სპექტაკლი. რომელიც შემოგვთავაზეს „ნაციონალურმა მოძრაობამ" და  „თავისუფალმა ზონამ",-განმარტა მან.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი

აშშ-მ ირანს ჰორმუზის სრუტეში თავდასხმების შესაჩერებლად ვადა დაუწესა