ევროპის დღეების ფარგლებში ნორიოს საწვრთნელ ბაზაზე სტუდენტებისთვის სემინარი - „საქართველოს საგარეო და უსაფრთხოების პოლიტიკის პრიორიტეტები“ გაიმართა. საქართველოს ექვსი სხვადასხვა რეგიონიდან სახელმწიფო უნივერსიტეტების 60 სტუდენტს დღეს ლექციები ნატო-საქართველოს წვრთნისა და შეფასების ერთობლივი ცენტრის ჯგუფის ხელმძღვანელმა, ვიცე-პოლკოვნიკმა ქრისტიან ემაუსმა და საქართველოს შეიარაღებული ძალების გენერალური შტაბის უფროსის პირველმა მოადგილემ, პოლკოვნიკმა ომარ ბეგოიძემ წაუკითხეს.

ვიცე-პოლკოვნიკი ქრისტიან ემაუსი ახალგაზრდებს ნატო-საქართველოს წვრთნისა და შეფასების ერთობლივი ცენტრის (JTEC) მიზნებისა და ამოცანების შესახებ ესაუბრა. პოლკოვნიკ ომარ ბეგოიძის მოხსენება კი საქართველოს ნატოში გაწევრიანების პერსპექტივებს, ნატო-საქართველოს სამხედრო თანამშრომლობას, ნატოს-საქართველოს არსებითი პაკეტის მნიშვნელობასა და იმპლემენტაციას, ასევე საქართველოს საერთაშორისო სამშვიდობო მისიებში მონაწილეობას შეეხო.

სემინარი სტუდენტებისთვის სსიპ „ნატოსა და ევროკავშირის შესახებ საინფორმაციო ცენტრის“ ორგანიზებითა და ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის მხარდაჭერით გაიმართა. გორის, ქუთაისის აკაკი წერეთლის სახელობის, ბათუმის შოთა რუსთაველის სახელობის, ზუგდიდის შოთა მესხის სახელობის, თელავის, სამცხე-ჯავახეთის სახელმწიფო უნივესიტეტის სტუდენტები აკადემიური მოსწრების, აპლიკაციისა და გასაუბრების საფუძველზე შეირჩნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს